Hvað gerir Sjálfstæðisflokkurinn?

Jæja, stefnir í að Samfylkingin standi við kosningaloforðið um jafna skiptingu kynja í ráðherraembætti. Þá er bara að bíða og sjá hvað Sjálfstæðisflokkurinn gerir. Þeim er varla stætt á öðru en að hafa að hlutfall kvenna í samræmi við hlutfall kvenþingmanna - sem er þriðjungur. En það er aldrei að vita þegar Sjálfstæðisflokkurinn á í hlut. Hins vegar gæti flokkurinn komið þægilega á óvart og fylgt Samfylkingunni í jafnri skiptingu ráðherra. Það yrði saga til næsta bæjar Ekki að ég reikni með slíkri þriðjudagsgjöf... giska á 2 konur og 4 karla í þeirra ráðherraliði. 

Svo er aldrei að vita nema ráðherrum verði fækkað og báðir flokkar verði með 3 karla og 2 konur... 

Ingibjörg Sólrún: Skipting kynja í ráðherraembættum jöfn

Athugasemdir

[Geiri (IP-tala skráð) 22.5.2007 kl. 14:55]

Kannski ágætt að þeir fái stundum hrós en ekki bara væl?

Hvernig væri að byrja á því að hrósa þeim fyrir það að þeir eru að koma helmingi fleiri konum á þing en fyrir 4 árum? 

[Finnur Ólafsson Thorlacius, 22.5.2007 kl. 15:33]

Það á sem sagt koma fólki til valda á grundvelli kyns en ekki vegna hæfni, (á bæði við um konur og karla)

svo var það ekki Sjálfstæðisfl. sem kom fleiri konum á þing súna heldur en síðast, það voru kjósendur flokksins sem eiga heiðurinn að því koma hæfu fólki á þing, konum og körlum

[Katrín Anna Guðmundsdóttir, 22.5.2007 kl. 17:24]

Það er nú bara þannig Finnur að með því að velja karla í meirihluta alltaf hreint að þá er verið að velja eftir kyni en ekki hæfni... Kynin eru jafnhæf, manstu? Það er í alvöru talað remba að halda að karlar séu í öllum sínum stöðum út á hæfileikana eina saman... og að konur séu svona hæfileikalausar að þær séu fjarverandi af þeim sökum!

Geiri - kynjahlutfall í Sjálfstæðisflokknum beið afhroð í síðustu kosningum og núna er rétt verið að rétta úr kútnum. Samfylkingin klúðraði líka sínum málum - en var síðast með hér um bil jafnt kynjahlutfall en datt núna niður í þriðjungshlutfallið - sama hlutfall og Sjálfstæðisflokkurinn hífði sig upp í. Það er ekki mikið til að hrópa húrra fyrir... Ég vil reyndar meina það þar að auki - að flokkum sem ekki tekst að laða til sín karla og konur í svipuðum/sama mæli eru ekki að standa sig í stykkinu. Þá er eitthvað að. 

[Jón Gunnar Ásbjörnsson (IP-tala skráð) 22.5.2007 kl. 20:53]

Sjáflstæðisflokkurinn sköllaði að mínu mati. 5-1 er frekar vandræðalegt hlutfall.

[Katrín Anna Guðmundsdóttir, 23.5.2007 kl. 00:16]

Segðu. Ég myndi skammast mín niður í tær ef ég væri þeir...