Íslenska karlrembubananalýðveldið

Hvernig er best fyrir fólk að bera sig að þegar það hefur ekki lengur áhuga á að tilheyra ákveðnu samfélagi eða þjóð? T.d. konur sem langar að tilheyra lýðræðisríkinu Íslandi en ekkert annað er í boði en Íslenska karlrembubananalýðveldið?

Sérnefnd um stjórnarskrármál kosin

Athugasemdir

[Jóhanna Magnúsar- og Völudóttir , 12.3.2009 kl. 15:58]

Rak einmitt augun í hvernig kosið var í  þessa sér-karla-nefnd! ..

[Hilmar Gunnlaugsson, 12.3.2009 kl. 16:23]

Alveg Sammála þér. Það er brýnt að hlutur kvenna verði réttur í Íslensku samfélagi en margir virðast engan áhuga hafa á því.

[Jenný Anna Baldursdóttir, 13.3.2009 kl. 00:02]

Segja sig úr lögum við samfélagið og hústaka Viðey!

Ekki einu sinni dómskerfið er fyrir okkur og börnin okkar.

[Jón Valur Jensson, 13.3.2009 kl. 09:26]

Hvað hefur kynferði með hæfni til stjórnarskrárumfjöllunar að gera?

[Katrín Anna Guðmundsdóttir, 13.3.2009 kl. 09:54]

Já Jenný, það var verið að spá í Flatey en Viðey hljómar líka vel!

Jón Valur - úff.... þú átt að vita svarið við þessu sjálfur.  

[Jón Valur Jensson, 13.3.2009 kl. 10:07]

Já, ég veit það: Ekkert.

Greind og geta til að ræða mál af skynsemi í hópi manna getur haft mikið með það að gera, þekking á lögum, þekking á stjórnarskrám annarra ríkja, þekking á stjórnkerfi landsins og ágreiningsmálum um vafaatriði í stjórnarskrá, þekking á mannréttindamálum, gott skynbragð á réttlæti, vitund fyrir réttarstöðu landsins andstætt ásælni annarra ríkja eða ríkjasambanda – allt þetta hefur með hæfni manna til stjórnarskrárumfjöllunar að gera, – en KYNFERÐI?? – Ekkert!

[Katrín Anna Guðmundsdóttir, 13.3.2009 kl. 10:14]

Og ertu með þessu að segja að konur búi ekki yfr þessari hæfni? Reyndar finnst mér eiginlega áhugaverðara að fá að vita hvort þú heldur í alvörunni að allir þessir 8 kallar sem eru í nefndinni búi yfir þessum eiginleikum sem þú telur upp?

[Jón Valur Jensson, 13.3.2009 kl. 10:59]

Með þessu er ég EKKI að segja, að karlar búi ekki yfir þessari hæfni!

Með þessu er ég EKKI að segja, að KONUR búi ekki yfir þessari hæfni!

Ég hef ekkert kynnt mér um þessa 8 karla, sem þú nefnir.

Innlegg mitt var sett fram sem árétting princípmáls –

til að svara því sem ég álít vera röng princíp í þínum málflutningi.

[Katrín Anna Guðmundsdóttir, 13.3.2009 kl. 11:01]

Sagan hefur sýnt að það er fátt sem skiptir jafn miklu máli í þessu lífi og kyn... Afneitun á því er hins vegar útbreidd, enda hentar það betur til að viðhalda ríkjandi kerfi.

[Jón Valur Jensson, 13.3.2009 kl. 11:16]

Við værum ekki að skrifa hér eða yfirleitt til, ef kyn skipti ekki máli.

En kyn skiptir ekki máli, ef verið er að vinna stjórnarskrárvinnu (eða var upphaflleg gerð stjórnarskrár Bandaríkjanna óhafandi?) – ekki frekar en það, hvort maður er Framsóknarmaður, Rotary-félagi, örvhentur eða íþróttamaður.

[Katrín Anna Guðmundsdóttir, 13.3.2009 kl. 11:19]

Auðvitað skiptir það máli ef fyrirkomulagið er þannig að karlarnir semja reglurnar og konurnar eiga svo að fylgja þeim án þess að hafa neitt um málið að segja. Hefurðu lesið íslensku stjórnarskránna? Hún er samin af körlum fyrir karla. Það er það sem gerist þegar karlarnir hittast og halda að þeir séu alvitrir ;)

[Jón Valur Jensson, 13.3.2009 kl. 11:27]

Nefndu mér dæmi um slíkt úr stjórnarskránni.

[Katrín Anna Guðmundsdóttir, 13.3.2009 kl. 12:14]

Hún er t.d. öll í karlkyni. Hér eru líka 2 dæmi um hvernig stjórnarskráin er samin út frá karlmönnum eingöngu. 

4. gr. Kjörgengur til forseta er hver 35 ára gamall maður.

10. gr. Forsetinn vinnur eið eða drengskaparheit að stjórnarskránni, er hann tekur við störfum. 

Annars geri ég ráð fyrir að þú sért læs og getir kíkt á þetta sjálfur! Gallinn er að það þvælist stundum fyrir þeim sem sjá heiminn í karlkyni að átta sig á því að karlkynið er ekki nafli alheimsins heldur á að hafa til hliðsjónar bæði kyn... Ofur einföld og sanngjörn krafa sem gengur vægast sagt mjög illa að ná í gegn. 

[Jón Valur Jensson, 13.3.2009 kl. 14:41]

Þetta eru ekki dæmi um, "að karlarnir semj[i] reglurnar og konurnar eig[i] svo að fylgja þeim án þess að hafa neitt um málið að segja," né að þetta sé samið "fyrir karla". Eins og kynsystir þín, íslenzkufræðingur, Guðrún Þórhallsdóttir (minnir mig) benti á í Lesbókargrein, er það eðlilegt orðalag á íslenzku, að karlkynsfornöfn séu notuð fyrir bæði kyn; það sama á við um orðið 'maður'.

Ég lýsi enn eftir dæmum úr stjórnarskránni, sem sanni þínar fullyrðingar!

[Katrín Anna Guðmundsdóttir, 13.3.2009 kl. 18:23]

Lestu stjórnarskránna sjálfur - og við Guðrún erum ekki sammála um þessa notkun á íslenskunni. Góð notkun tungumálsins kemur einhverri ákveðinni hugsun til skila, þeirri hugsun sem því er ætlað að tjá. Að tala allt í karlkyni á rætur sínar að rekja beint í karlrembu og réttleysi kvenna. Þess vegna þarf að breyta því. Stjórnarskrá sem talar um menn og drengskaparheit túlkar heiminn út frá sjónarhóli karlmannsins - sem er samt ekki einu sinni til í að láta orðið maður alltaf túlka bæði kyn heldur bara þegar það hentar. Bið annars kærlega að heilsa manninum þínum.

[Jón Valur Jensson, 13.3.2009 kl. 18:39]

Ég hef oft lesið stjórnarskrána og aldrei fundið neitt þessu líkt, sem þú ert að tala um. Nú er það þitt verkefni að sanna þitt mál, og það muntu vafalaust gera með ljúfu geði.

PS. Kjánaleg var þessi lokakveðja þín; það veit það hvert mannsbarn, að orðið maður þýðir stundum ýmist konu eða mann, en stundum alls ekki, heldur einungis karlmann, og þú snýrð þarna út úr og sættir þig ekki við gamla og góða málvitund.

[Katrín Anna Guðmundsdóttir, 13.3.2009 kl. 19:59]

Það er nefnilega málið Jón Valur - gamla góða málvitundinn er frá þeim tíma sem konur töldust ekki til manna. Ég er búin að nefna þér dæmi úr stjórnarskránni, þó þú sért ósammála og finnist þetta ekki skipta máli þá er það bara eins og í gamla daga þegar mönnum fannst t.d. ekki skipta máli að konur hefðu kosningarétt. Orðið maður nær ekki yfir bæði kyn, eins og þú sért svo glögglega sjálfur og það er mun betra að nota orð sem ná yfir bæði kyn. Við eigum nokkur slík. Orðið drengskaparheit nær þar að auki bara til karlkyns - og er gildishlaðið. Gott og fallegt orð fyrir drengi góða en nær ekkl yfir stúlkur góðar.

[Jón Valur Jensson, 13.3.2009 kl. 20:13]

Rugl er þetta í þér: "frá þeim tíma sem konur töldust ekki til manna"!!! Hvenær var sá tími?!

Konur hafa alltaf verið taldar til manna á Íslandi.

Og svo þykistu vera búin að nefna dæmi þín úr stjórnarskránni! Betur sýnirðu naumast uppgjöf þína í reynd, hversu illa sem þér líður með að viðurkenna það fullum fetum, sem þú átt eitt eftir.

Orðið maður nær VÍST yfir bæði kyn í mörgum orðasamböndum, og það á t.d. við um þessi ákvæði stjórnarskrárinnar að allra Íslendinga mati:

4. gr. Kjörgengur til forseta er hver 35 ára gamall maður.

10. gr. Forsetinn vinnur eið eða drengskaparheit að stjórnarskránni, er hann tekur við störfum.

Eða tókstu ekki eftir því, að enginn hreyfði mótmælum "byggðum á stjórnarskránni", þegar Vigdís gekk inn í þetta ferli?

Og drengskaparheit nær VÍST líka til kvenna, og drengir góðir eru stúlkur líka margar hverjar.

[Jóhann Kristjánsson, 15.3.2009 kl. 17:40]

Katrín. Hvernig er það eru barnaverndarnefndir ekki með konur í mikum meirihluta? Eru það kannski ekki nefndir sem skipta máli af því það eru engir fjármunir þar?

[Vilhjálmur Eyþórsson, 15.3.2009 kl. 18:25]

Það er alveg rétt að konur eru ekki, hafa aldrei verið, og munu aldrei verða "menn". Þær eru konur, hafa alltaf verið konur og munu alltaf verða konur. Það er bara svona. Það er ekki að ástæðulausu, að Guð almáttugur er alltaf sýndur sem miðaldra, hvítur karmaður með skegg. Þannig á það að vera. Annars legg ég til að fjölkvæni verði aftur tekið upp. Ólíkt hommagiftingum á það langa og farsæla sögu. Reynsla árþúsundanna sýnir að konum líður hvergi betur en í kvennabúrum. Þær hætta snarlega valíumáti og feministahjali og einbeita sér að því að gera herra sínum og húsbónda allt til geðs. Þannig finna þær hina sönnu hamingju og hananú!

[Katrín Anna Guðmundsdóttir, 16.3.2009 kl. 09:31]

Karlremban er greinilega lífsseig... en það kemur svo sem ekki á óvart!

[Jón Valur Jensson, 16.3.2009 kl. 10:27]

Þú verður nú að kunna að taka góðu gamni, Katrín Anna!

[Katrín Anna Guðmundsdóttir, 16.3.2009 kl. 11:40]

Er fín í að taka góðu gamni  - en gamnið verður að vera gott!

[Vilhjálmur Eyþórsson, 16.3.2009 kl. 14:30]

Um feminista finnst mér eiga einkar vel við ummæli Nietzsches: "Haldir þú á fund kvenna, hafðu með þér svipu!"

[Katrín Anna Guðmundsdóttir, 16.3.2009 kl. 15:08]

Karlrembur sem boða ofbeldi fá ekki að skrá hér athugasemdir.

[kiza, 16.3.2009 kl. 21:23]

Vilhjálmur ertu eitthvað tæpur á geði..?

Býst við að annðhvort gerir þú þér (í þínum blinda karlpungsforréttindahugsunarhætti)  ekki grein fyrir hvað þú lætur hér falla  ofbeldisfull og hatursfull orð um kvenfólk, að þú gerir þér grein fyrir því og trúir faktíst steypunni í sjálfum þér (21.öldin hjálpi okkur)   eða  að þú ert misheppnað 'troll' sem er að reyna að vera töff á internetinu (líklegast af þessum þremur).

Hvernig sem það er, mæli með að þú endurskoðir orðræðu þína áður en þú reynir að leggja orð í belg varðandi þessar umræður.  

[kiza, 16.3.2009 kl. 21:26]

Það er ekki að ástæðulausu, að Guð almáttugur er alltaf sýndur sem miðaldra, hvítur karmaður með skegg.

Og Vilhjálmur opinberar áfram gáfnafar sitt þar sem hann hefur greinilega aldrei heyrt um 'Gyðjur', heldur.  Aldeilis mannvitsbrekkan þar á ferð.

Ja hérna hér.

-Jóna.