Þetta hefði Silvía Nótt sagt...

Ef Silvía Nótt hefði aftur tekið þátt í keppninni í ár hefði verið í góðu lagi fyrir hana að kenna einhverri austantjaldsmafíu um tapið. En keppandi sem kemur fram sem sinn eigin karakter... Nei... þá er nú best að bara bíta í það súra að hafa tapað. Ánægjulegast fannst mér - allavega við fyrstu sýn - að klámvæddustu lögin virðast ekki hafa komist áfram Yes. 

En... geri ráð fyrir því að Sigmar gangi í karlahóp Femínistafélagsins þegar hann kemur heim.

Eiríkur: Samsæri austantjaldsmafíu

Athugasemdir

[Ragnar (IP-tala skráð) 11.5.2007 kl. 10:45]

Er það rétt að það sé í lagi fyrir konu að kenna austantjaldsmafíu um tap en ekki í lagi fyrir karl.

Í fyrra var talað um austantjaldsmafíuna jafnt í karakter sem utan.

 Annars er ég sammála þér með að Eiríkur á að sætta sig við tapið en væla ekki yfir samsæri austantjaldslanda.

Svo hef ég áhuga á að ganga í feministafélagið sem fullgildur félagi en ekki í karlahópinn. 

Sem jafnréttissinni á ég ervitt með að trúa málstað félaga sem eru kynjaskipt.  Skiptir engu hvort um sé að feministafélag eða frímúrara.

Ef feministafélagið er öllum opið biðst ég afsökunnar á fyrri ásökun.

[Katrín Anna Guðmundsdóttir, 11.5.2007 kl. 10:53]

Ragnar - það væri ok fyrir Silvíu Nótt vegna þess að hún er leikinn persóna... og þar að auki siðlaus. Þetta er sem sagt í hennar stíl... Eins og ég sagði þá kom Eiríkur fram sem sinn eigin karakter - það átti að vera vísun í muninn á milli hans og Silvíu, þ.e. ekki kynið heldur að Silvía er í raun og veru ekki til. 

Femínistafélagið er opið báðum kynjum - að sjálfsögðu, enda teljum við mjög mikilvægt að karlmenn beiti sér fyrir jafnrétti kynjanna rétt eins og karlar. Hóparnir eru líka opnir fyrir félaga af báðum kynjum, þ.m.t. karlahópurinn, en sá hópur skoðar mest þau mál sem lúta að körlum og femínisma. Þess vegna heitir hann karlahópur, ekki vegna kynjaskiptingar. 

Afsökunarbeiðni móttekin Þú getur skráð þig í félagið á heimasíðu Femínistafélagsins. 

[Katrín Anna Guðmundsdóttir, 11.5.2007 kl. 10:54]

ps. rétt eins og konur átti þetta auðvitað að vera...

[Guðmundur Steinbach (IP-tala skráð) 11.5.2007 kl. 11:56]

Mér fannst bara ágætt af Eika að segja það sem honum finnst og liggur í augum uppi. Ég þekki nokkra einstaklinga frá Serbíu og þeir voru reyndar sammála Eika um að Austurevrópa kjósi bara Austurevrópu.

Annars á Eiki bara að slappa af núna og taka tapinu með reisn.

[hee (IP-tala skráð) 11.5.2007 kl. 13:44]

Eiríkur hefur greinilega sagt þetta í hita leiksins, hafandi verið sannfærður um að flutningurinn hans, sem var reyndar mjög góður,  myndi fleyta honum í úrslitin. En lagið var einfaldlega ekki nógu grípandi við fyrstu hlustun til þess að það ætti einhverja möguleika.

Ég þekki engan Íslending sem var nokkurn tíman sannfærður um að lagið myndi komast áfram í aðalkeppnina, og satt að segja þekki ég heldur ekki marga sem kusu vesturevrópskt lag.

Það er ekkert samsæri í gangi þó svo að austurevrópsku þjóðirnar kjósi frekar aðrar slíkar. Tónlistasmekkurinn á þessu svæði hefur lengi verið ólíkur okkar og þetta eru engin samantekin ráð. Reyndar eru nokkur mjög góð lög í keppninni að mínu mati og flest þeirra eru frá Austurevrópu.

Eiríkur er hins vegar hér að hvetja til samsæris Norðurlandaþjóða, alveg grímulaust!

Ps. Áfram Tyrkland og Úkraína!