Ættu konur ekki að borga minna?

Í ljósi þess að konur fá á heildina litið lægri laun fyrir sömu störf, hefðbundin kvennastörf eru metin minna en hefðbundin karlastörf og konur vinna meira af ólaunaðri vinnu á heimilinu á meðan karlinn vinnur launaða yfirvinnu á vinnumarkaði... ættu þá konur ekki að borga minna en ekki meira??? 

Bara spyr. Langar annars að gauka því að Gísla Tryggvasyni að skoða líka tryggingar hér á landi. Kyn hefur áhrif á verð líf- og sjúkdómatrygginga...  

ps. Aðgerðir annarrar bylgju kvennabaráttunnar fólu meðal annars í sér aðgerðir þar sem neitað var að borga fullt verð fyrir vöru eða þjónustu - eða jafnvel lögreglusektir!

Neytendum mismunað eftir kyni

Athugasemdir

[Erling Guðnason (IP-tala skráð) 20.3.2007 kl. 12:40]

Konur eru svo frábærar að þær ættu náttúrulega ekki að borga neitt !

[Kalli (IP-tala skráð) 20.3.2007 kl. 14:47]

Konur lifa lengur en karlmenn.  Það væri eðlilegra að þær borguðu því meira til samfélagsins. 

[Ólafur Als, 20.3.2007 kl. 16:04]

Borga minna fyrir hvað? Af hverju ekki bara þá sem fá minna í launaumslagið? Bíðið við, er ekki svo um ýmislegt - svona óbeint? Vandinn leystur ... bara spyr?

[Guðmundur Ragnar Björnsson, 20.3.2007 kl. 21:42]

Ég veit ekki betur en að mín iðgjöld vegna líf og sjúkdómatrygginga séu nærri helmingi hærri en konu minnar. Ég er ekki sáttur og skora á alla karlmenn að láta þetta misrétti ekki viðgangast lengur. 

[z (IP-tala skráð) 21.3.2007 kl. 00:48]

Þar sem karlar fá hærri laun og greiða meira til samfélagsins, ættu konur þá ekki fá lakari þjónust og skertari bætur miðað við framlag sitt til ríkisins?

[Guðrún María Óskarsdóttir., 21.3.2007 kl. 02:52]

Þetta er ágæt hugleiðing Katrín Anna, því ef til vill þarf að taka upp sérsök kvenafsláttarkort einungis í ljósi þessa annars stórundarlega launamismunar " kvennastarfa " og karlastarfa.

Hvílikur skandall !

kv.gmaria.

[Jón (IP-tala skráð) 21.3.2007 kl. 02:53]

Er þessi umræða ekki komin út í vitleysu? Það er komið bloggstríð á milli kynjana og umræðan löngu hætt að snúast um jafnrétti (eða kvenfrelsi eins og sumir vilja kalla það (eru konur ekki með frelsi á Íslandi?)).

Það er auðvitað rangt að mismuna fólki eftir kyni en ef það ætti að vera einhverstaðar þá ætti það að vera á hárgreiðslustofum. Það eru ekkert voðalega margir karlar með svona þykkt og mikið hár eins og talskona femínistafélagsins.

[TómasHa, 21.3.2007 kl. 09:09]

Málið er bara að sleppa að fara til Mojo eða hvað þessir fínu stofur heita allar.  Það er ein mjög ódýr í lönguhlíð og svo er mér sagt að þú getir fengið klippingu fyrir lítið sem ekkert í heimaklippingu hjá asískum konum hér í bæ. Þær væru sjálfsagt tilbúnar að gefa þér "kvennaafslátt" ef þú mætir með eitthvað af vinkonum þínum.

[Katrín Anna Guðmundsdóttir, 21.3.2007 kl. 10:09]

Mín skoðun er sú að einfaldar lausnir virka oftast best... borga sömu laun fyrir sömu störf, sömu laun fyrir hefðbundin karla- og kvennastörf, rukka sama verð fyrir þjónustu óháð kyni...

[Kristín (IP-tala skráð) 22.3.2007 kl. 11:01]

Þetta með tryggingaiðgjöldin er sérlegt áhugamál mitt og hefur verið lengi.

Líftrygging mín er ódýrari en karls á sama aldri en sjúkdómatryggingin talsvert dýrari. Afþví í gamla daga áttu konur mörg börn og unnu mjög líkamlega slítandi vinnu - sjálf á ég eitt barn og vinn kyrrsetustarf. Þessi statistík sem tryggingafélögin nota er löngu úreld.

Kristín Ólafsdóttir