Hver er sparnaðurinn?

Ok. Ég er litlu nær um hvað á að gera í sparnaðarskyni. Hvernig sparar það t.d. að færa verkefni frá ríki til sveitarfélags? Jú það er um breytt fyrirkomulag að ræða en í hverju felst sparnaðurinn er verkið er unnið af jafnmörgu fólki, fyrir sömu laun og þjónustan sú sama? Spyr sú sem ekki veit... Er gert ráð fyrir einkavæðingu í þessu ferli? Er það falið undir orðagjálfri um tilfærslu til sveitarfélaga og heilsugæslustöðva? Hvað þýðir það að nýta eigi betur hjúkrunarrými út á landi? Þýðir það ekki bara það sama og síðast þegar öldruðu fólki „gafst kostur á“ að fara út á land, fjarri ættingjum, vinum og maka? Mökum jafnvel boðið að fara á sitthvort hjúkrunarheimilið í sitthvorum landshlutanum og í báðum tilfellum fjarri öllum sem þau þekkja?

Í fréttinni er einnig talað um að „eftir samruna stofnana verði til sex öflugar einingar.“ Hvaða stofnanir eru verið að tala um???? Eitthvað hefur verið fjallað um St. Jósefsspítala í fréttum, að loka eigi honum. Mér sýnist sem sagt að verið sé að tala um að henda uppsafnaðri sérþekkingu út um gluggann, yfirfæra kostnað yfir á sveitarfélög frá ríki (og ekki er rætt um hvernig tekjur eigi að yfirfærast á móti) og síðan á að eyða fullt af peningum í sameingar og einhverjar skipulagsbreytingar... sé ekki alveg hvaðan sparnaðurinn á að koma en treysti núverandi ríkisstjórn fyllilega til að klúðra þessu rækilega eins og öllu öðru.

*

Viðbót - fór að lesa mbl.is betur eftir þetta blogg og sé að þar eru fleiri fréttir um svokallaðar sparnaðarleiðir og m.a. fjallað um hvaða einingar sameinast - vona að ég verði einhverju nær eftir þann lestur...  

Hagræðing um 1,3 milljarða

Athugasemdir

[Frosti Heimisson, 7.1.2009 kl. 15:09]

Líklega má hagræða hressilega með því að nýta einu og sömu manneskjuna til verkefna þar sem áður þurfti tvær.  Heimahjúkrun á vegum sveitarfélags sæi þá um allan pakkann, ekki bara aðhlynningu í heimahúsi.  Með aukinni heimaaðstoð gætu einstaklingarnir jafnvel sparað sér útgjöld sem fylgja því að sækja ákveðna þjónustu.

[Máni Ragnar Svansson, 7.1.2009 kl. 18:10]

Nú á að leggja lokahnykkinn á "Hag-græðinguna"  Eru ekki einhverjir fleiri með sektarkennd en Bjarni Ármanns og tilbúnir í iðrun og yfirbót og smá raðgreiðslur í ríkiskassann?   Getur ekki einhver af þeim farið í "hraðbankann" og millifært ?  Á sama tíma er varnarmálastofnun enn rekin af lýðnum "skrílnum".  Væri þeim péningum ekki betur varið í að verja líf og heilsu landans, en annars gleðilegt nýtt ár