MK fær jafnréttisviðurkenninguna

Til hamingju MK með jafnréttisviðurkenninguna 2007. Á vef Félagsmálaráðuneytisins má sjá rökstuðning fyrir valinu. Eru t.d. með jafnréttisstefnu, jöfn kynjahlutföll (þó væntanlega ekki á öllum námsbrautum???), hafa haldið jafnréttisviku og tekið þátt í verkefni um að gera nemendur meðvitaða um kyn og kynímyndir. Greinilega eitthvað að gerast í MK og vonandi heldur svo áfram. 

** 

Sjálf tilnefndi ég Stígamót, enda finnst mér tími til kominn að verðlauna fyrir baráttuna gegn kynferðisofbeldi. Kannski næst?

Athugasemdir

[Sigurður Haukur Gíslason, 25.10.2007 kl. 16:20]

Eitt er að hafa áætlun og annað að fara eftir henni. Í jafnréttisstefnu MK segir um nefndir ráð og stjórnir:

Fyllsta jafnréttis skal gætt við úthlutun verkefna, ráðningu í nefndir, ráð og stjórnir á vegum skólans.  Skal í því sambandi minna á ákvæði 20 gr. jafnréttislaga þar sem segir, að þar sem því verði við komið sitji sem næst jafnmargar konur og karlar í nefndum, ráðum og stjórnum.

Af heimasíðu nemendafélagsins má sjá að nefndir og ráð eru tólf og í þeim sitja 43 nemendur. 30 strákar og 13 stelpur. Er það góður árangur í jafnréttismálum?

Sjá heimasíðu nmk:

http://nmk.is/index.php?option=com_efni&sida=felog&Itemid=29