Vændi er ofbeldi

Fór á málþing KRFÍ á föstudaginn um vændi. Á málþinginu voru kynnt mismunandi sjónarhorn femínista á vændi. Þarna var hún Rosy, formaður alþjóðlegra samtaka kvennahreyfinga. Held það sé óhætt að kynna hana til sögunnar sem pro-prostitution. Henni finnst óþarfi að eyða orkunni í að berjast gegn vændi. Í staðinn finnst henni að við eigum að berjast fyrir aukinni fræðslu og getnaðarvörnum! Ætli það sé til þess að allar konurnar sem eru í vændi af fúsum og frjálsum vilja neyðist ekki til að fara reglulega í fóstureyðingar? Hvernig ætli það sé annars með karla sem kaupa vændi - ef vændiskonan verður ólétt og ákveður að eiga barnið - er þá ekki sjálfgefið að þeir borgi meðlag og séu með sameiginlegt forræði og forsjá?

Síðan var hún Rachael líka með erindi. Rachael er einstaklega vel máli farin og smart kona. Einhvern veginn heyrðist mér á máli hennar að hún væri líka pro-prostitution en það var víst misskilningur. Hins vegar varpaði hún nokkrum sprengjum - eins og til dæmis að það ætti að bera virðingu fyrir þeim sem selja konur og börn í mansal... og fyrir dólgunum... og fyrir kaupendunum. Einnig spurði hún hver væri munurinn á að selja líkama sinn í íþróttir eða veita nudd og á því að selja kynlíf þar sem typpi og píka koma við sögu? Mér finnst þetta næstum eins og brandarinn um muninn á milli kynlífs og legókubba sem var voða vinsæll fyrir tuttugu árum eða svo...  Rachael kom með nokkra góða punkta. Eins og t.d. að það þarf að spá í efnahagsaðstæður á svæðum þar sem vændi (og jafnvel mansal) er neyðarúrræði til að komast af. Þessir valkosti eiga hreinlega ekki að vera í boði.

Ágúst Ólafur var með ágætt erindi þar sem hann fordæmdi vændi og agiteraði fyrir sænsku leiðinni. Ég vona að hann og hans flokkur berjist fyrir því að sænska leiðin nái fram að ganga. Það vill nefnilega svo til að ekkert var um þetta mál í stjórnarsáttmálanum...

Marit frá Noregi fannst mér lang best. Sennilega af því að við erum sammála en líka vegna þess að hún kom með lang bestu rökin og hafði lag á að orða hlutina á sniðugan hátt. Hún benti á að ekki er hægt að greina á milli vændis og mansals - ef ekki væri vændi þá væri heldur ekki mansal - og hinn löglegi kynlífsiðnaðurinn er aðgangshliðið að ólöglega iðnaðinum, vændi og mansali. Hún véfengdi líka þá mýtu að karlar hafi einhverja óstjórnlega þörf fyrir kynlíf. Hver var það aftur sem benti á að enginn hefur drepist úr skorti af kynlífi hingað til? Hún sagði líka eitthvað á þessa leið "Ef karlar geta ekki haft stjórn á eigin kynhvöt, af hverju í ósköpunum fá þeir þá að stjórna landinu?" Góður punktur... og reyndar er ég nokkuð viss um að flestir karlar vilja ekkert láta skilgreina sig sem bremsulausa bíla í brekku... Hún svaraði líka Rachael varðandi virðinguna með því að segja að best væri að segja karlmönnum að hætta að kaupa vændi - það væri að bera virðingu fyrir þeim í raun.

Á málþinginu var tekist á um skilgreiningar á vændi. Einhver sagði að vændi væri að selja líkama. Önnur sagði að það væri að selja kynlíf. Mér finnst hvorug þessi skilgreining ná yfir hvað vændi er. Í mínum huga er skýrasta skilgreiningin að segja að vændi sé sala á nauðgun. Uppskar að mín er getið í leiðara Fréttablaðsins í dag fyrir vikið... Því miður erum við ekki komin svo langt að vera öll sammála um að vændi sé ofbeldi.

Athugasemdir

[María Kristjánsdóttir, 11.6.2007 kl. 11:00]

Glæsilega orðað hjá þér, á eftir að lesa hins vegar Fréttablaðið.

[Sigurður Jökulsson, 11.6.2007 kl. 13:36]

Það er ekki spurning að vera kominn visst langt til að vera sammála, heldur að vera á annarri skoðun.Skilgreining á vændi eru ekki vísindi. Ef fólk þarf skilgreiningu á vændi, ætti það að vera hægt að finna í orðabók. Svo er annað hvert viðhorfið er til vændis, afleiðingar, aðferðir, fylgifiskar þess og þar fram eftir götunum. Ef manneskja selur líkama sinn með reiðufé til kynmaka, á sér stað vændi.

 Nú veit ég ekki nákvæmlega hvað fólk sem er selt og keypt sé eingöngu sett í vændi, en áður fyrr voru til þrælar sem unnu erfiðisvinnu án þess að vændi kæmi þar við (eflaust þó einhverjir). Mansal er fáránlegur hluta að vera til. Ég skil ekki hvernig það getur viðgengist, hvað þá í vestræna heiminum. 

Nú get ég ekki keypt þína skilgreiningu að vændi sé nauðgun þar sem að það er bara ekki satt. Vissulega gerist sá sorgaratburður að vændiskonum er nauðgað og geta kannski lítið borið fyrir sig. Einnig getur verið að það séu til vændiskonur sem eru þvingaðar til vændis, en það er samt ekki hægt að setja samasem merki þarna á milli að allt vændi sé nauðgun. Sumt vændi er kannski nauðgun, ekki allt. Að setja slíkt samasem merki er eins og að segja að allir ökumenn eru ökufantar.

 Nú er spurningin, hvort að hægt sé að ná svo "langt" að vera ekki að enduskilgreina hlutina, heldur gildi og afleiðingar þeirra.

[Árni Steingrímur Sigurðsson, 11.6.2007 kl. 13:46]

Það sem sænska leiðin hefur skilað í Svíðþjóð er grófara ofbeldi gegn vændiskonum heldur en tíðkaðist fyrr.  Góðu kúnnarnir hurfu en í staðinn stóðu vændiskonur frammi fyrir hrottunum eingöngu.  Það virðist ekki vera lausnin.

[Katrín Anna Guðmundsdóttir, 11.6.2007 kl. 13:53]

Árni þetta er ekki rétt hjá þér heldur er þetta hluti af áróðri þeirra sem vilja standa fyrir vændi. Ofbeldisfullu kúnnarnir voru þarna fyrir og þeim hefur ekki fjölgað. Það er heldur ekkert til sem heitir "góður kúnni" í þessu samhengi þó vissulega séu þeir misjafnir. Nær væri kannski að tala um kúnnana sem mis slæma. Afleiðingar vændis, bæði á líkama og sál, eru það alvarlegar að það liggur beint við að skilgreina kaup á vændi sem kaup á nauðgun. Það er verið að kaupa aðgang að líkama manneskju sem ekki vill stunda kynmök með kaupandanum. Enginn líkami þolir að stunda kynlíf með mörgum mönnum á dag heldur leiðir það til varanlegra meiðsla. Áhrifin á sálarlífið eru síst skárri og vændiskonur sýna sömu einkenni og aðrir þolendur kynferðisofbeldis.

[Guðmundur Steinbach (IP-tala skráð) 11.6.2007 kl. 15:31]

Skilgreiningin sem þú setur fram virkar ef maður gerir ráð fyrir að það sé ekki verið að alhæfa um allar vændiskonur og vændiskarla.

En ég get ekki betur lesið út úr því sem þú segir að þú haldir því fram að allt fólk í vændi sé að því gegn vilja sínum. Ég get ekki fallist á það.

Það þarf ekki nema 1 einstakling til þess að þessi alhæfing klikki. 

[Katrín Anna Guðmundsdóttir, 11.6.2007 kl. 15:40]

Guðmundur skilgreiningin er ekki bara sett fram fyrir þau sem eru í mansali eða forced prostitution... Tökum bara dæmi um "venjulega" vændiskonu (eða -karl) sem fær greitt fyrir að sofa hjá einhverjum sem hún ekki vill sofa hjá og er fengin til að gera eitthvað sem hún fær enga ánægju út úr og vill ekki gera. Í ofan á lag má gera ráð fyrir að konan (eða karlinn) þurfi að sinna mörgum kúnnum yfir daginn sem er skaðlegt fyrir líkamann auk þess sem áhrif þess að vera í vændi leiða til sömu afleiðinga og þolendur kynferðisofbeldis verða fyrir. Þau sem "velja vændi af fúsum og frjálsum vilja" eru þar oft vegna þess að einhver hefur misnotað þau kynferðislega áður, eru í fíkniefnum eða eitthvað því um líkt.

Í öllu falli snýst vændi um að kaupandinn getur keypt kynferðislegar athafnir af manneskju sem ekki vill stunda kynferðislegar athafnir með honum heldur gerir það gegn greiðslu - ergo vændi er sala á nauðgun. Verður kannski ljósara ef fyrst er skilgreint hvað kynlíf er og kynfrelsi.

[Geiri.is (IP-tala skráð) 11.6.2007 kl. 15:57]

En hvað með fólk (já, fólk, konur og karlar) sem vilja selja sig, s.s. stunda vændi? Hefur það ekki val lengur? Frjáls vilji orðin undir í þessari umræðu?

[Katrín Anna Guðmundsdóttir, 11.6.2007 kl. 16:03]

Geiri af hverju ætti einhver að hafa frelsi til að selja nauðgun? Sbr að þú leyfir ekki fólki að selja sig til mannáts, barsmíða, morða o.s.frv. Að selja sig til nauðgunar ætti að falla í sama flokk.

[Magnús Hákonarson (IP-tala skráð) 11.6.2007 kl. 16:09]

Katrín, þú gerir semsagt ekki ráð fyrir því í skilgreiningu þinni að vændiskonan velji þá kúnna sem henni hentar?

Sá sem selur einhverja þjónustu er ekki skildugur til að veita öllum sömu þjónustu ekki satt.

[Geiri.is (IP-tala skráð) 11.6.2007 kl. 16:12]

Er það orðið nauðgun þegar báðir aðilar samþykkja? Eitthvað ef ég missti af þeirri umræðu...

[Katrín Anna Guðmundsdóttir, 11.6.2007 kl. 16:36]

Jæja strákar. Haldið þið í alvörunni að það sé þannig að vændiskonur velji sér bara karla sem þeim langar í alvörunni að sofa hjá?  Það yrði nú heldur betur nýmæli ef karl sem myndi labba inn á vændishús fengi svarið "neibb. kemur ekki til greina" þegar hann er búinn að labba um og pikka þá sem hann vill. Líka á götunni - þar tíðkast helst að konur segji nei við menn sem eru þekktir ofbeldismenn í þeirra hópi.

Geiri - vændi er ekki kynlíf háð með samþykki beggja aðila. Fyrir það fyrsta þá er vændi nátengt mansali. Oft ertu líka með þriðja aðila - pimpinn svokallað. En svona umræðunnar vegna skulum við segja að slíkt sé ekki inn í myndinni heldur bara 2 einstaklingar. Þá vill einn kaupa vændi og hinn samþykkir fyrir greiðslu. Þá er nær að líta svo á að seinni aðilinn samþykki að þiggja greiðslu fyrir að leyfa fyrri aðilanum að stunda á sér kynlífsathafnir sem seinni aðilanum langar ekki að taka þátt í. Með öðrum orðum - fyrri aðilinn borgar fyrir að brjóta gegn kynfrelsi seinni aðilans. Frelsi getur nefnilega aldrei verið til sölu - þ.e. frelsi sem búið er að selja breytist í fjötra.

[Magnús Hákonarson (IP-tala skráð) 11.6.2007 kl. 17:29]

Ég er allveg sammála þér í því að mannsal tengist vændi, það ber náttúrulega að fordæma.  Hinsvegar er ég gjörsamlega ósammála að vændi sé by definition ofbeldi.

Með þínum rökum mætti segja að atvinnurekendur sem væru með óánægða starfsmenn væru ofbeldisfólk.  Eða er það ofbeldi ef leigubílstjóri tekur farþega uppí sem hann hefði aldrei gert án borgunnar?

Þetta er allt of mikil einföldun og ég get því enganvegin keypt þín rök.

[Kristján Sigurður Kristjánsson, 11.6.2007 kl. 19:12]

Það sem er sérstakt við manninn, sérstaklega karlinn,  að hann er í senn skepna og maður. Hann á kost á því að hafna mennskunni og vera skepna eingöngu eða bara stundum. Uppúr þessu er ma. vaxinn fríviljakenning kristninnar. Það er athyglisvert að flestir karlmenn sem tjá sig um vændi eru kynferðislega misþroska skepnur.

[Katrín Anna Guðmundsdóttir, 11.6.2007 kl. 19:17]

Magnús - nei þetta er ekki það sama og þú ert að snúa út úr...

Kristján - kannski nýja skilgreiningin gæti verið "vændi er skepnuskapur"

[Sigurður Jökulsson, 11.6.2007 kl. 21:29]

Lykilorðið sem þú setur upp í þínu dæmi "samþykkir". Þá er það ekki gegn vilja, og í raun vill manneskjan gera það gegn greiðslu. Það kann að vera að vædnis-manneskjan vilji ekki stunda kynlíf ókeypis við aðila en vilji það gegn greiðslu. Það eru viðskipti. Nú vil ég ekki láta bílinn minn af hendi, en ég myndi selja hann fyrir pening. 

Ég vil einnig benda á að fólk stundar kynlíf fyrir margar ástæður. Greddu, ástar, leiðist, ná fram vilja(nei ekki nauðgun), nauðgun, vorkunn, peningar, bjór eða áfengi... o.s.frv.   Jú vissulega er ást og gredda algengast af þessu (held ég), en bara eitt af þessu er skilgreint sem vændi.

Nú er að sjálfsögðu til dæmi sem er undir mansal og dólga og nauðgun sem á ekki rétt á sér innan vændis og enginn þrætir það. En frjáls einstaklingur sem sjálfviljur vill selja sig, ætti að fá það frelsi. Það er gert undir öðrum formerkjum (giftast til fjár t.d. er langtímafjárfesting).

[Guðmundur Steinbach (IP-tala skráð) 11.6.2007 kl. 21:54]

"Það er athyglisvert að flestir karlmenn sem tjá sig um vændi eru kynferðislega misþroska skepnur."

 Þar höfum við það. Kannski þessvegna sem þetta er lítið rætt á Alþingi?

Ætli ég verði ekki að sætta mig við að flokkast í þennan hóp sem er nefndur að ofan.

Svona málfluttningur er einmitt góður til að  drepa alla vitræna umræðu.

[Katrín Anna Guðmundsdóttir, 11.6.2007 kl. 22:12]

Sigurður vona að þú vitir hver er munurinn á konum og bílum! Það er ekki það sama að selja manneskju og að selja hlut - nema auðvitað ef þú lítur á manneskjur sem hlut. Ein spurning sem spurt var að á málþinginu á föstudaginn: Tökum dæmi um 14 ára stúlkubarn sem er nauðgað og misþyrmt og hún neydd í vændi. Þegar hún verður 18 ára er hún orðin fullorðin. Hún er líka fullorðin. Hún ákveður að halda áfram í vændi "af fúsum og frjálsum vilja" - eða hvað? Er þetta sjálfstætt val einstaklings sem samþykkir að skipta á kynlífi fyrir greiðslu? 

Önnur spurning: Karl hjakkar á konu. Konan horfir upp í loft og telur sprungurnar. Hún einbeitir sér að því að hugsa um eitthvað annað og vera andlega fjarverandi. Henni finnst maðurinn ógeðslegur. Samt þarf hún að brosa til hans og muna eftir að stynja á réttum augnablikum og segja honum að hann sé æði. Hún er búin að "sofa hjá" 4 mönnum á undan honum sama dag. Hún logar öll af sársauka. Er þetta kynlíf? Bara af því að það kom greiðsla? Eða er þetta kannski nauðgun - gegn greiðslu? Karlmaður sem borgar konu fyrir að brosa, stynja og láta eins og henni þyki þetta gott á meðan hann getur komið fram vilja sínum - sem hann veit að er ekki hennar vilji?

[Kristján Sigurður Kristjánsson, 11.6.2007 kl. 22:34]

"Lykilorðið sem þú setur upp í þínu dæmi "samþykkir". Þá er það ekki gegn vilja, og í raun vill manneskjan gera það gegn greiðslu."

Já auðvitað, ég fattaði þetta ekki. Getur greiðslan kanske verið sælgæti eða bíómiði á Línu langsokk?

[Geiri.is (IP-tala skráð) 11.6.2007 kl. 23:25]

Já, er mar nú orðinn "kynferðislega misþroska " á því einu að ræða um vændi, merkilegt. Hvað með kvennmenn sem tjá sig um vændi? Já, eða kaupa vændi af körlum? Ætli það sé nauðgun gegn greiðslu líka.. spurning. ;)

[Katrín Anna Guðmundsdóttir, 11.6.2007 kl. 23:32]

Auðvitað gildir það sama þegar konur kaupa vændi af körlum... Segir sig sjálft. Konur geta verið kynferðislega misþroska rétt eins og karlar... Hvað varðar vændisiðnaðinn þá snýst hann samt mest megnis um karla að kaupa - konur, aðra karla eða börn. Konur sem kaupa eru helst valdamiklar konur á business ferðum - sem taka upp þá karllægu hegðun að sýna vald sitt með því að kaupa aðra manneskju... Enda snýst vændi ekki um kynlíf. 

[Kristján Sigurður Kristjánsson, 12.6.2007 kl. 00:24]

Þeir karlar sem kaupa sér vændi af fjögurra til tólf ára fyrir, sælgæti og með fullu "samþykki" seljanda eru snjallari en hinir sem eru í eldri flokknum; þeir hafa vit á að þegja. Nema í Ameríku eru þeir með baráttusamtök, og það er engu líkara en þangað sæki íslenskir vændisbræður þeirra rök sín.

[Ómar Ingi, 12.6.2007 kl. 01:35]

Katrín segir enda snýst vændi ekki um kynlíf ?

Heldur þá meira Peninga = Völd , ekki satt ?

En samt þegar öllu er á botnin hvolft kynlíf , því eins og þú veist er í gangi hjá hjónum ,pörum ,allskonar fólki sem hittist á börum, netinu osfv ýmis konar kynlíf fyrir allskonar greiðslur það getur verið frá peningum frá greiðum eða bara til að fólk hittist og á afbrigðilega stund saman.

Ekki er fólk að greiða George Michael fyrir kynlíf, reyndar öfugt stundum, en ekki alltaf, en er það öðruvísi ? af því að þá er um að ræða tvö karlmenn og þá skiptir það minna máli ?  'eg veit ekki.

En oftast þá minnir Feminismi mig á Nasisma.

Og ekki miskilja það er ýmislegt gott hjá ykkur en margt alvarlega mistúlkað og ýkt  og oftast er þetta eins og einkaklúbbur háskólamenntaðra kvenna, sem ekki gefa skít um hinar vinnandi konur heldur einungis um þær sem lengra eru á veg komnar í menntun, sem væri sorglegt, en þannig sé ég þennan Feminisisma ykkar ,sem ég veit að á ekki að vera svoleiðis en er það samt í margra augum.

Hvað eigum við síðan að gera við þessar fáu íslensku konur sem strippa og samkvæmt ykkur selja sig hver ræður yfir þeim og hvað er í gangi þar ?

Spyr sá sem ekki veit !!.

[Katrín Anna Guðmundsdóttir, 12.6.2007 kl. 09:35]

Ómar þú veist örugglega af útrýmingarbúðunum okkar upp á Hellisheiði? Þessar gömlu klisjur um femínismann og nasismann og að okkur sé skítsama um verkakonurnar eru orðnar ansi þreyttar - og hreinlega ekki svaraverðar.

[Audur Magndis (IP-tala skráð) 12.6.2007 kl. 09:59]

Thad var Julie Bindel sem benti a ad enginn hefur drepist ur kynlifsskorti.

Var annars ad lesa Mortu Nussbaum sem er pro-prostitution feministi. Hun tok sig til og bar saman thad ad vera i vaendi vid thad ad stunda hinar ymsu atvinnugreinar, thar a medal kennslu i heimspeki (sem hun faest sjalf vid).

Henni fannst thad bara mjog svipad thvi ad vera i vaendi! Ja badar starfsgreinar fela i ser utdeilingu a mjog "intimate" hlutum (kynlifi vs. thankagangi um lifid og tilveruna) og badar starfsgreinar lata "penetrata" sig likamlega. Hvernig faer hun thad ut? Ju med vaendiskonurnar er thad augljost. A "sama hatt" laetur heimspekiprofessorinn laetur misvitra nemendur penetrata sig andlega med misgafulegum athugasemdum og hugsunum um lifid og tilveruna. Og thad sem meira er, heimspekiprofessorinn getur enga vorn ser veitt olikt vaendiskonunni sem (allegedly) getur sagt nei!

Spurning hvort Nussbaum liki vel vid vinnuna sina??

[Katrín Anna Guðmundsdóttir, 12.6.2007 kl. 10:06]

Hún þjáist örugglega af áfallaröskun!

[Árni Steingrímur Sigurðsson, 12.6.2007 kl. 11:48]

Ég er ekki fylgjandi vændi frekar en andvígur því, hallast í átt að persónufrelsi en finnst persónulega að ef einhver velji vændi þá þarfnist viðkomandi aðstoðar.  Ég vildi bara benda á það sem sænska lögreglan hefur sagt um þessi mál.

[Geiri (IP-tala skráð) 13.6.2007 kl. 03:33]

Ég seldi mig þegar ég var í framhalsskóla, gerði það af fúsum og frjálsum vilja og sé ekki eftir því í dag. Var frábært að þurfa bara að bregða á leik í hálftíma eða klukkutíma á viku í stað þess að eyða helgini í afgreiðslustarfi. Flestir komu vel fram við mig, í raun voru hlutföllin skárri en í afgreiðslustarfinu (þjóðin er mjög dugleg í að drulla yfir þessa starfstétt).

Ég vissi ekki að mér hafi verið nauðgað, takk fyrir þessar upplýsingar Katrín Anna siðferðisdrottning. Á ég núna að fara upp á stígamót og væla í feministunum þar? Ég hef enga þörf til þess, er ég þá bara orðinn svona geðveikur eftir allt "ofbeldið"?