Baráttan gegn kynferðisofbeldi

Ég er ein af þeim sem er sannfærð um að klámið og klámvæðingin stuðlar að fjölgun kynferðisbrotamanna, enda er klámið yfirgengilega fullt af ofbeldi og niðurlægingu sem á ekkert skylt við kynlíf eða kynfrelsi. Sem betur fer eru til samtök eins og Stígamót og fleiri sem berjast gegn þessu af alefli og sem bjóða þolendum aðstoð við að glíma við eftirköstin.

Það sem hefur breyst frá því að byrjað var opinberlega að tala um kynferðisofbeldi fyrir ca 20 árum er að úrræði fyrir þolendur hafa aukist, umræðan er opnari og vitundin er meiri. Réttarkerfið er hins vegar ennþá í algjörum lamasessi og ekkert hefur gengið í að draga úr brotunum. Ýmislegt virðist benda til þess að ofbeldið sé að aukast, það er að verða ofbeldisfyllra og sumar framtíðarspár segja að þetta eigi bara eftir að halda áfram að aukast enn meira. Það þarf eitthvað stórt að gerast til að hægt sé að minnka ofbeldið. Eitt af því mikilvægasta er að efla og bæta virðingu á milli kynja. Strákar eiga ekki að alast upp við þá kröfu að þeir eigi að vera fremri stelpum heldur að kynin standi jafnfætis og séu jafn merkileg. Á meðan það þykir flott að vera strákastelpa en niðurlægjandi að vera stelpustrákur þá er augljóst hvert viðhorfið er. Þessi krafa um yfirburði er líka fáránleg vegna þess að lang flestir átta sig á að strákar og stelpur eru fyllilega jafn hæf og þá verður ansi erfitt að standa undir þessum kröfum. Sumir eru síðan svo vitlausir að til að standa undir nafni sem valdameiri að þá beita þeir ofbeldi til að ná sínu fram. Því miður beinist áróðurinn og skilaboðin sjaldnast að þessum hópi. Hvernig væri t.d. að setja á laggirnar herferð sem hvetti nauðgara og kynferðisofbeldismenn til að viðurkenna brot sín fyrir rétti og taka út sína refsingu eins og réttarkerfið kveður á um? Yfirgnæfandi meirihluti kynferðisbrotamanna neitar nefnilega að viðurkenna brot sín og gera þar með þolandum enn erfiðara um vik að vinna úr sínum málum. 

En... ofangreint dílar við það sem gerist eftir að búið er að fremja brotið. Forvarnir geta m.a. falist í því að berjast gegn þeim skilaboðum sem klámið selur.  

Stöðugt fleiri leita aðstoðar Stígamóta

Athugasemdir

[Guðrún Magnea Helgadóttir, 21.5.2007 kl. 13:30]

Sæl Katrín Anna. Ég get ekki verið meira sammmála þér en ég er. Það sem sorglegast er, er að ofbeldi gagnvart þeim minni máttar þá á ég við eins og þú skrifar um að eru þeir aflminni líkamlega svo sem konur og börn...

Með aukinni fjölda á konum í hinum ýmsu embættum innan Alþingis og refsikerfisins sé ég harðar tekið á málunum í framtíðinni... Það ætti að vera rannsóknarverkefni fyrir velmenntaða sagnfræðinga að rannsaka hvernig ofbeldismál á hendur kvenna og barna hafa á síðustu árum fengið aðra og alvarlegri umfjöllun og meðferð en málin fengu á árum áður þegar erfitt var fyrir áðurnefnda einstaklinga á ná framm rétti sínum. Já áfram Stígamót og áfram konur!

[Finnur Ólafsson Thorlacius, 21.5.2007 kl. 14:31]

Klámið segirru.... ég held að klámið sé ekki aðalorsakavaldurinn.  t.d. í sífjaspellsmálum, ég er ekki viss um að klámmyndir reki fullorðna kallmenn til að leita á ungar dætur eða frænkur.

Svo eru staðir í heiminum þar sem ofbeldi gagnvart konum er landlægt, í Afríku t.d., hafa þeir eins greiðan aðgang að klámi eins og vesturlönd?

En þú mátt ekki skilja mig þannig að ég sé að tala fyrir klámi, það er bara ekki alltaf hægt að kenna einhverjum örðum um það sem miður fer í lífi fólks, fólk verður að læra að bera ábyrgð á eigin gjörðum.

[Katrín Anna Guðmundsdóttir, 21.5.2007 kl. 14:37]

Ég er ekki að segja að klám sé eini að aðal orsakavaldurinn. Ég er hins vegar að segja að klám sé einn af orsakavöldunum og að klám stuðli að fjölgun kynferðisbrotamanna þegar við þurfum á því að halda að stuðla að fækkun kynferðisbrotamanna. Með því að berjast fyrir virðingu á milli kynja, að litið verði á bæði kyn sem jafngóð og mikilvægi þess að bæði kyn komi að mótun samfélagsins og ákvarðanatöku þá getum við hugsanlega náð að draga úr kynferðisofbeldi. Klámið selur allt sem er þveröfugt við þetta... niðurlægingu, óvirðingu, misrétti, ofbeldi - og síðast en ekki síst - er klámið aðför að kynfrelsi.  

[Finnur Ólafsson Thorlacius, 21.5.2007 kl. 15:04]

En er ekki bara málið að foreldrar eiga að ala börnin "betur" upp. Börnin eiga að fá kennslu í því að vera virðingu fyrir náunganum, ekki bara konum heldur öllum.  Börnin eiga að fá þannig uppeldi að þau verða gagnrýnin á það sem þau sjá og það á ekki að hafa á áhrif á gjörðir þeirra sem þau sjá í sjónvarpi, s.s. klám.

Við megum ekki gleyma því að foreldrar eru mestu áhrifavaldurinn og bera þ.a.l. mesta ábyrgð..... er það ekki??

[Katrín Anna Guðmundsdóttir, 21.5.2007 kl. 15:13]

Foreldrar bera mikla ábyrgð. Ég er hins vegar ekki á því að það veiti sjálfkrafa öllum öðrum skotleyfi á börnin og svo sé það foreldranna að "klín up the mess", ef þú skilur hvað ég meina? Þar fyrir utan - hversu líklegur er faðir sem horfir á klám til að kenna sínum börnum um skaðsemi kláms? Og þar fyrir utan - það klám sem er aðgengilegt á netinu núna er orðið svo ofbeldisfullt að það er hreinlega fullt af foreldrum sem hafa ekki hugmynd um það... 

Og þar fyrir utan... þó svo að fólk fái fræðslu er ekki þar með sagt að það verði ónæmt fyrir áhrifunum.

Vinsældir kláms og klámvæðingarinnar eru líka slíkar að það er ekki á færi foreldra að berjast einir gegn þessu. 

[Inga Dís (IP-tala skráð) 21.5.2007 kl. 16:28]

Ég er alveg sammála þér Katrín Anna, klámið fer alveg hrikalega illa bæði með stráka og stelpur sem halda að þetta sé eðlileg framkoma (eins með stelpugreyin sem halda að það sé í lagi að láta "koma svona fram" við sig vegna þess hversu ógeðfellt klámið er).

Stöðvum Klámið!

[Finnur Ólafsson Thorlacius, 21.5.2007 kl. 16:52]

Ég er ekki að segja að foreldrarnir eigi að berjast gegn klámi, þeir eiga að koma því í hausinn á börnunum sínum að það sem þau sjá á netinu er EKKI eðlilegt....

Svo tel ég að það sé ekki rétt leiða að berjast gegn klámi, frekar en að berjast gegn fíkniefnunum, svo lengi sem það eru til neytendur þá finnur markaðurinn alltaf leið til koma efninu til skila, við þurfum að eyða þörfinni.  Því ef það er engin eftirspurn þá er verður ekkert framboð heldur.....

[Katrín Anna Guðmundsdóttir, 21.5.2007 kl. 17:05]

Að hluta til sammála þér með eftirspurnina en samt ekki. Það þarf að eyða þörfinni... og ég held að það sé hægt að gera með auknu jafnrétti. Ef að kynin fá almennilega kynfræðslu og kynfrelsi verður normið - og kynlíf ekki tabú... erum við komin áleiðis. Hins vegar er klámiðnaðurinn í massívri markaðssetningu við að skapa eftirspurnina og sambandið þarna á milli flókið. Taktu sem dæmi tónlistarmyndböndin... þegar valkostirnir eru klámvæðing, klámvæðing eða klámvæðing... þá er valið harla lítið. Þegar ofan á það bætist að öllu er blandað saman í einn hrærigraut þannig að ef þú ert að horfa á tónlistarmyndböndin á annað borð þá er þetta það sem þú færð... + sért þessi kynhlutverk staðfest á kassanum í Nótaúni (bleikt og blátt, séð og heyrt forsíðan og fl). + sérð þau í auglýsingum, barnaefni, kvikmyndum, leikfangabæklingum, fegurðarsamkeppnum, Silfri Egils, o.s.frv. þá er ansi erfitt að móttaka ekki þessi skilaboð - sem sést ágætlega á stöðu mála. 

Málið er kannski líka að átta sig á samhengi hlutanna og að á meðan ofbeldisfullum ímyndum er haldið að strákum + konum í hlutverki kynlífshjálpartækja þá er ekki við því að búast að útkoman verði virðing og kynfrelsi á forsendum beggja kynja...

Veit þetta er örlítið ruglingslegt og allt í hrærigraut... en þetta er ekki einfalt mál heldur margir samverkandi þættir.  

[Björn (IP-tala skráð) 21.5.2007 kl. 17:12]

Ég vil taka það skýrt fram að ekki undir nokkrum kringumstæðum mun ég taka upp hanskann fyrir þá sem stunda ofbeldi gagnvart mönnum eða dýrum. Enn síður skal ég dragast inní þá umræðu að konur sem verða fyrir ofbeldi/nauðgun geti sjálfum sér um kennt sökum framkomu og eða klæðaburðar.

Hitt er annað mál að við lifum ekki í rósrauðum heimi. Klám, ofbeldi, kúgun, líkamsmeiðingar og morð mun viðgangast eins lengi og mannkynið tórir. Að ætla að banna alla skapað hluti (eins og vinstri mönnum er gjarnan tamt) er nokkuð sem flestir(nema nokkrum vinstrimönnum) skilja að getur ekki gengið til lengdar. Urðu Bandaríkin áfengislaus í áfengisbanninu? Eru ekki til vestrænar vörur á Kúbú?

Á Íslandi þarf meiri fræðslu og harðari dóma. 1 - 4 ár í fangelsi fyrir afbrot gegn barni þar af hellingur skilorðsbundinn er auðvitað bara grín. En að banna "klámvæðinguna", gangi ykkur vel með það

[Snorri Óskarsson, 21.5.2007 kl. 19:03]

Ég er bara all nokkuð sammála þér í þessari niðurstöðu. Klámið er hvati og næring fyrir veikleika og kynferðislegan óstöðugleika. Maðurinn þarf nefnilega að alast upp við aga og stöðugleika. Ungmenni sem fá það beint í æð að "just do it" láta vaða því þá "bara langar". Það er lífsspeki sem  eyðileggur frekar en að byggja upp. Ungt fólk þarf líka að læra að bíða, bíða eftir rétta makanum og bíða með kynlíf unz sú niðurstaða er fengin að þetta er rétta manneskjan sem ég vil eyða æfinni með. Ástarsamband getur enst alla æfi.

Menn þurfa einnig að gera sér grein fyrir því hvernig kynlíf er kynnt fyrir unglingum, það setur mönnum engar hömlur.

kær kveðja

Snorri 

[Maja Solla (IP-tala skráð) 21.5.2007 kl. 22:13]

Ég man hvað mér blöskraði þegar ég sá fyrir nokkrum árum frétt á Textavarpinu ( hvergi annars staðar), að nauðgunum á dömum undir 18 ára hafði fjölgað um 37% á milli áranna 2003 og 2004. Það var tekið sérstaklega tekið fram í þessari stuttu frétt að Stígamótakonur vildu rekja þessa aukningu til klámvæðingarinnar, sem birtist helst í tónlistarmyndböndum og öðru.
Þannig að jú, klámið er mikill áhrifavaldur þegar að þessu kemur.

[Tómas Guðbjörn Þorgeirsson, 21.5.2007 kl. 23:08]

Hvaða vitleysa er þetta...nauðganir á dömum undir 18 ára hafi fjölgað um 37% á einu ári vegna "klámvæðingarinnar"...meira ruglið.  Kannski jókst það svona mikið...en það er ekki vegna tónlistarmyndbanda eða eitthvað þess háttar...það sem fólk lætur út úr sér díses...Klám og "dirty" myndbönd hafa verið til staðar lengi lengi, það er eitthvað annað sem eykur þetta ofbeldi...kannski er það að foreldrar eru ekkert heima til að ala upp börnin...hafið þið hugleitt hvað það er mikilvægur hluti af þessu.

Tek dæmi um rapp tónlist sem er nú ein vinsælasta tónlistarstefna fyrr og síðar...ef þetta hefur svona mikil áhrif af hverju sjáum við þá ekki endalaust af 18 ára strákum stunda drive-by shootings um helgar, gangandi með byssur osfrv osfrv..

Svo annað, með allt þetta ofbeldisframboð á markaðnum...í sjónvarpi, tölvuleikjum, tónlist osfrv af hverju hefur það þá ekki aukist meira en raun ber vitni...veit að það hefur aukist, rétt eins og fíkniefna neysla, kannski er frekar samhengi þar á milli (fíkniefni-ofbeldi) frekar en einhverjir svona þættir eins og sjónvarp osfrv.  AHHHH maður getur orðið svo pirraður á svona vitleysu!!!!!!!!!

[Katrín Anna Guðmundsdóttir, 21.5.2007 kl. 23:16]

Tómas... þú verður líka að koma með sannanir á þínum kenningum Getur ekki afgreitt allt sem bull og vitleys bara af því að þér finnst það... 

Klám og "dirty" myndbönd hafa annars ekki verið á dagskrá eins lengi og þú heldur. Þegar ég var lítil var ekkert sjónvarp á fimmtudögum og heldur ekki í júli. Tónlistarmyndbönd voru sýnd einu sinni í viku í þáttum sem hétu Skonrokk og Poppkorn og Þorgeir Ástvaldsson var kynnir... MTV var ekki hægt að sjá á Íslandi og Internetið var ekki til. 50 cent var ekki byrjaður með sitt rapp sem gengur út á að draga konur í hundaól á fjórum fótum á eftir sér og Snoop Dog var ekki heldur að syngja um að spræna yfir hórur og tíkur... sem voru reyndar bara alls ekki "gælunöfn" karlmanna yfir kærusturnar sínar þá. 

Þó svo að klám hafi verið til í einhvern tíma þá er það ekki til frá fornsögulegum tíma. Fréttablaðið var nú samt með einhverja frétt um "klám" síðan fyrir einhverjum tugþúsundum ára í kringum klámstefnuna... nema hvað myndin sem þeir sýndu af kláminu var teiknuð mynd af fólki að stunda kynlíf... og var alls ekki klámfengin. Mig minnir að Playboy hafi fyrst komið út 1949, eða eitthvað um það leyti. Saga klámsins er því alls ekki eins gömul og þú heldur... Enda veistu, ef þú hugsar aðeins, að myndavélin er tiltölulega ný uppfinning.  

[Katrín Anna Guðmundsdóttir, 21.5.2007 kl. 23:16]

ps. og já það er rétt hjá þér... arg það er hægt að verða hrikalega pirruð á vitleysunni!

[manuel (IP-tala skráð) 21.5.2007 kl. 23:26]

úff!!! Held að síðan þín blikki eitthvað eða sé á einhvern átt að heilaþvo mig. Ég byrjaði á spjallsvæði feminista til að benda ykkur á feministum á fáránleikann í málflutningi ykkar. Ég ætlaði að vera voða rebel í mér og kallaði mig MANuel til að leggja áherslu á að ég væri ekki kelling heldur alvöru karlmaður. Karlmaður sem fannst allt sem við kom klámvæðingu í himnalagi og fannst þið rauðsokkurnar vera svo bitrar og sárar út í heiminn. 

En það er eitthvað að breytast. Ég er meira að segja sammála ykkur feministum varðandi skaðsemi kláms ofan á allt annað og þar með veikist enn grundvöllur minn fyrir því að kalla mig ekki feminista. Hef nefninlega heitið því í gegnum árin að kalla mig aldrei feminista, og held því áfram veikum mætti. Þarf að fara sinna karllægri áhugamálunum af meiri ákefð ef ekki á illa að fara.

Ég er að mestu leyti sammála því sem þú skrifar í þessum pósti. 

[Katrín Anna Guðmundsdóttir, 21.5.2007 kl. 23:46]

haha manuel það er ekki að ástæðulausu sem þú ert í uppáhaldi... (hef ég nokkuð sagt þetta áður???) og langt síðan ég byrjaði að kalla þig femínista! Siggi pönk kom með slagorðið "sannir karlmenn eru femínistar" þannig að þú þarft ekkert að panika

[Guðmundur Steinbach (IP-tala skráð) 22.5.2007 kl. 00:18]

Saga kláms nær reyndar nokkuð langt aftur í tímann, erótík náttúrulega mun lengra.

Það er ágætis safn í Köben sem rekur söguna. Auðvitað hefur klámið (og erótíkin) orðið harðara en það var og er það miður.

Ég er samt á móti alhæfingum þannig að ég kvitta aldrei undir svoleiðis og verð þ.a.l. sennilega sjaldan sammála þér Katrín, þó það hafi merkilegt nokk komið fyrir.

[Magnús Hákonarson (IP-tala skráð) 22.5.2007 kl. 10:44]

Hvernig í óssköpunum er hægt að tala um orsakasamband þegar það er ekki vitað hvort ofbeldisfullir einstaklingar sem sækja í klám noti það sem einhverja afsökun til að fría sig gagnvart hluta ábyrgðarinnar eða hvort að klámið hafi gert viðkomandi að ofbeldisfullum einstaklingi.  Hversu hátt hlutfall einstaklinga sem horfir á klám nauðgar ekki og hvert er hlutfall nauðgara sem horfa ekki á klám?  Hver eru áhrif klámsagna vs klámmynda?

Á meðan ekki er hægt að svara þessum spurningum með afgerandi hætti, er alls ekki hægt að tala um orsakasamband að mínu mati.

Berrasaðar hlutfallstölur (37%) án upplýsinga um fjölda eins og Maja Solla bennti á  segja voðalega lítið því 100% aukning felst í því að fara úr 1 í 2.

Ég hef ekkert á móti klámi að því gefnu að þeir sem taki þátt í framleiðslu þess geri það af fúsum og frjálsum vilja.  En klám á ekki að vera fyrir allra augum.  Þeir sem vilja ekki sjá það eiga ekki að þurfa að ganga um með lokuð augun.

Við þurfum að kenna börnum okkar að umgangast klám á sama hátt og við kennum þeim að umgangast kynlíf og annað fólk.  Ég hef ekki trú á að það þýði að segja börnunum okkar að klám sé bara ógeðslegt og að þau eigi ekki undir neinum kringumstæðum að horfa á það.  Það er álíka gáfulegt og að segja þeim að kynlíf sé ógeðslegt og að þau eigi ekki að stunda það.

[Maja Solla (IP-tala skráð) 22.5.2007 kl. 11:00]

Þó svo að klámið hafi verið til í langan tíma, þá má ekki líta fram hjá því að það hefur aldrei verið eins áberandi í okkar daglega lífi eins og núna undanfarin ár. Núna er ekki hægt að horfa í sjónvarp í klukkutíma án þess að sjá allavega 3 auglýsingar þar sem kvenbrjóst eða -rass eru mjög áberandi, internetið er fullt af innskotsauglýsingum með berbrjósta dömum, og eins og fyrr segir, tónlistarmyndböndin eru orðin mörg alveg ógeðsleg.
Ég fór að sjá þessa þróun fyrir um 10 árum, þá var ég ekki nema 15 ára en fann samt hvað þetta fór að verða stigvaxandi í samfélaginu.
Og hana nú.

[Katrín Anna Guðmundsdóttir, 22.5.2007 kl. 11:05]

Guðmundur þú sérð alhæfingar í hverju horni...! Það hefur verið talað um að tengslin á milli kláms og kynferðisofbeldis séu svipuð og á milli reykinga og lungnakrabbameins, þ.e. að sumir sem horfa á klám verði kynferðisofbeldismenn en ekki allir. 

Magnús - sumar rannsóknir hafa sýnt að þeir sem eru ofbeldishneigðir þeir séu viðkvæmari fyrir áhrifum klámsins, má orða það sem svo að klámið leysi ofbeldið úr læðingi. Ég hallast að því að klámið hafi mismunandi áhrif á mismunandi menn... og þó þetta eigi við um suma að þá ali klámið líka ofbeldi upp í sumum mönnum. Þar fyrir utan er klámið svo stútfullt af ranghugmyndum og lygum um hvað konum finnst gott og hverju þær fá ánægju út úr að sumir lenda í því að beita konur ofbeldi án þess að ætla sér það... bara með því að apa eitthvað upp eftir klámmyndum í "góðri trú" ef svo má að orði komast.

Að líkja klámi og kynlífi saman er út í hött. Klám er niðurlægjandi og oft á tíðum ofbeldisfullt á meðan kynlíf er gott og eðlilegt... það er því ekki sami hluturinn að kenna að þetta tvennt sé ógeðslegt og frekar furðulegt að halda því fram. 

[Magnús Hákonarson (IP-tala skráð) 22.5.2007 kl. 12:33]

Ég er allveg sammála því að sumt klám sé gjörsamlega brenglað og ýti undir ranghugmyndir, ofbeldi og vitleysu.  En alls ekki allt klám.  Það þarf að kenna unga fólkinu að gera greinarmun þar á. 

það ernú svo að það að kíkja á eitthvað "bannað" þykir oft pínu spennandi og aukin spenna hefur áhrif á kynferðislega spennu sem gerir það að verkum að "bannað" efni hefur ákveðið forskot umfram það heilbrigða og eina leiðin til að koma í veg fyrir ásókn í það "bannaða" er að gera það minna spennandi.

Ég get allveg tekið undir það að sumir séu viðkvæmari fyrir áhrifum kláms og að klám geti alið upp ofbeldi í upp í öðrum.  Sumir eru viðkvæmari fyrir áhrifum áfengis og áfengi getur allveg alið upp ofbeldi í öðrum.  En hvaða klám er það sem elur á ofbeldi?  Sumir karlar verða allveg tjúllaðir ef þeir sjá berrassað hommaklám og verður BDSM liðið ekki alveg tjúll ef þeirra erótík verður bönnuð?

Ég er á því að texti geti verið allveg jafn skaðlegur ef ekki verri heldur en myndbönd og ljósmyndir, þar sem ímyndunaraflið er miklu öflugri miðill heldur en myndbönd og ljósmyndir.  Viljum við að það verði komið á almennri ritskoðun?  Þessir svokölluðu netfilterar sem hreinsa út ákveðnar heimasíður eiga það til að eyða út kennslu og fræðsluefni líka þar sem það inniheldur lykilorðin sem þeir vinna eftir.

Er munurinn á erótík og klámi ekki tiltölulega huglægur?  Það sem einn kallar erótík kallar annar klám.  Það sem BDSM liðið kallar erótík kalla aðrir ofbeldi og niðurlægingar.  Er hægt að hlutbinda erótík/klám þannig að allir geti verið sammála um hvoru megin efnið falli?  Ég efast stórlega um það.

Þessvegna tel ég vænlegast að minnka þörfina með aukinni samfélags- og kynfræðslu þar sem lögð væri sérstök áhersla á samskipti fólks og virðingu með það fyrir augum að minnka ofbeldið.  Að það sé ekkert opsjón að nauðga.

[Katrín Anna Guðmundsdóttir, 22.5.2007 kl. 12:56]

Já get tekið undir síðasta punktinn hjá þér að það sem þarf er aukin virðing og karlar þurfa að opna augun fyrir því að konur upplifa enga virðingu í gegnum klámið heldur þveröfugt.

Þessi rök með að það sem er bannað er meira spennandi... jamm vill oft verða svo. En það eru samt ekki endilega rök fyrir að leyfa allt. Ættum við að leyfa mismunun á grundvelli kyns, kynþátta, kynhneigðar, trúarbragða o.s.frv. af því að það verður meira spennandi að mismuna ef það er bannað?  Því miður er niðurlæging á konum að mörgu leyti samfélagslega samþykkt fyrirbæri + að í kláminu er kynlíf notað sem gateway fyrir niðurlæginguna. Þess vegna held ég að það sé nauðsynlegt að fólk geri sér grein fyrir að klám er ekki kynlíf... og að kynlíf sé ekki klám... og að fólk hugsi um þetta einmitt með virðingu fyrir öðrum manneskjum í huga. Margir karlmenn sem horfa á klám myndu t.d. alls ekki vilja sjá konur sem þeim þykir vænt um og eru nákomnar þeim í þessum aðstæðum. Það segir sitt um virðinguna og ágætið...

Ég myndi auðvitað helst vilja sjá karlmenn hafna kláminu á þeirri forsendu að þeim þætti vænt um konur og bæru virðingu fyrir þeim. Það bendir samt fátt til að það sé að gerast og raddir karla sem eru á móti klámi eru svo lágværar að þær heyrast varla...  

[Magnús Hákonarson (IP-tala skráð) 22.5.2007 kl. 13:34]

Það sem er ekki leyft er væntanlega bannað.

Sýndu fram á hlutbundin mun á fræðslu, myndlist, erótík og klámi áður en þú ferð að tala um að banna eitthvað af þessum hlutum.  Fjölmargir nýta sér klám (eða erótík) til að lífga upp á kynífið og gera það þar með part af kynlífinu.  Á að banna allar myndir þar sem sést í kynfæri, brjóst eða of mikið berthold?

Hvað með kynfræðsluefni?  Það er klárt að sumir kalla það klám.  Og vissulega finnum við unglinga sem hafa fróað sér yfir slíku efni. Hver á að fá að velja hvað fellur undir fræðslu, myndlist, erótík eða klám?

Fókusinn á að vera á að fólk hafni "lélegu klámi" sem gerir lítið úr öðrum og elur á tillitsleysi og ofbeldi.

[Katrín Anna Guðmundsdóttir, 22.5.2007 kl. 13:44]

Hef marg oft skrifað um muninn þarna á milli. Baráttan gegn klámstefnunni eftirminnilegu var einmitt gegn þessu ofbeldisfulla, niðurlægjandi klámi... og sjáðu hversu harkaleg viðbrögð urðu gegn því... 

[Tómas Guðbjörn Þorgeirsson, 22.5.2007 kl. 13:51]

Var nú bara að kíkja á síðuna aftur síðan í gær.  Katrín, hversu oft hefur þú komið með komment sem eru bara byggð á þínum skilningi á málinu, ekki endilega með einhverjum vísindalegum rökstuðningi að baki?  Kemur með svoleiðis fullyrðingu t.d. bara í síðasta kommenti "konur upplifa enga virðingu í gegnum klámið heldur þveröfugt"....bíddu hvað hefurðu fyrir þér í því að ALLAR konur upplifa enga virðingu...það er alveg hægt að henda þessu í báðar áttir sko.  Veit nú til þess að það eru margar konur sem notast við klámmyndbönd til að auka ánægjuna og fjölbreytnina í sínu kynlífi, bendi á að það er þeim til ánægju, EKKI vegna þess að kallinn biður um það.

Svo var ég að reyna að benda á í "pirringnum í gær" að þið töluðuð um á einu ári 2003-4? hafi þetta tiltekna ofbeldi aukist um 37% útaf klámvæðingunni...það hljóta flestir að sjá að þetta er bara della!  Þess vegna benti ég á rapptónlistina sem hampar ofbeldi í gríð og erg...ég byrjaði að hlusta á rapp um 1990 (17 ár síðan) og á þeim árum var einmitt vinsælasta stefnan svokallað "gangsta rap" með tilheyrandi ofbeldi og kvennahatri...(rapp byrjaði ekki með 50 cent, ef þú vissir það ekki hehe)  Miðað við hvað þið viljið meina að þetta hafi mikil áhrif þá ættu strákar á mínum aldri flestir að vera klíkumeðlimir stundandi drive-by, gangandi um með byssur/vopn osfrv...en staðan er bara ekki þannig!!  Þess vegna dreg ég það stórlega í efa að einhver Britney Spears myndbönd eða klámmyndir á netinu hafi þessi drastísku áhrif og það bara á þessu eina ári þarna.

[Magnús Hákonarson (IP-tala skráð) 22.5.2007 kl. 13:57]

Allar skilgreinignar á erótík og klámi byggja á huglægu mati fyrir utan barna- og dýraklám.  Það að smekk eða smekkleysi þurfi til að greina þarna á milli gerir það að verkum að ekki er hægt að flokka efnið á sanngjarnan hátt. 

[Katrín Anna Guðmundsdóttir, 22.5.2007 kl. 14:04]

Það eru margir þættir sem skipta máli þegar kemur að því að flokka efnið. Þess hef ég t.d. líka oft talað um varðandi klámvæðingu að það sé ekki hægt að nota eina mynd sem mælikvarða heldur skiptir magn mynda líka máli og ítrekun skilaboða. 

Varðandi ofbeldistenginguna og áhrifin á lífíð þá finnst mér ágætt að útskýra muninn á því að horfa á mann lemja annan mann eða að horfa á klám þannig: Fæstir stunda að lemja konurnar sínar - eða nokkurn annan. Þess vegna er það sem er horft á í ofbeldismyndum ekki yfirfært beint út í daglega lífið. Hins vegar eru flestir sem stunda kynlíf - og það að horfa á klám þar sem þessu tvennu er spyrt saman... þar sem einhver horfir á klám og fer síðan að stunda kynlíf þá er ekki óvarlegt að segja að það sem hann sér í kláminu sé yfirfært á kynlífið. Rétt eins og sá sem horfir mikið á ofbeldismyndir og stundar það að lemja mann og annan er líklegur til að pikka upp einhver múv úr ofbeldismyndunum.

Hvað varðar klámáhorf kvenna þá hef ég stundum vitnað í rannsókn á líðan kvenna eftir að hafa horft á mismunandi tegundir af klámi eða erótík... strákar - þið getið ekki farið fram á að ég sé sífellt að vitna í rannsóknir aftur og aftur... og gera svo ekkert af því sjálfir. Þýðir ekkert að benda á einhverja einu kona út í bæ sem horfir stundum á klám. Það segir heldur ekkert um að það auki ánægju hennar af kynlífi eða að henni finnist efnið örvandi - getur þess vegna verið að gera það af "menningarlegum" ástæðum. 

[Tómas Guðbjörn Þorgeirsson, 22.5.2007 kl. 14:23]

Ja ég var nú ekki að biðja þig um eitt né neitt varðandi sannanir eða eitthvað slíkt, fólk hlýtur að geta myndað sér skoðanir byggðar á lífsreynslu osfrv ekki endilega rannsóknum sem oft eru skemmdar af huglægu mati þess sem framkvæmir rannsóknina.  Það getur verið að konan út í bæ skoði klámefni vegna menningarlegra ástæðna (langsótt) en kannski skoðar hún það vegna þess að henni finnst það spennandi, örvandi og finnst það auðga sitt kynlíf...þú veist það að kynlíf er eitt af frumþörfum fólks, hvort sem það er kona eða karl þannig að....??

[Magnús Hákonaron (IP-tala skráð) 22.5.2007 kl. 14:25]

Vissulega eru fjölmargir þættir sem skipta máli við flokkun á efninu.  Meira að segja það margir þættir að ekki nota þá alla án huglægs mats og á meðan staðan er þannig þá endum við alltaf  með efni sem þú kallar klám og ég kalla erótík (eða öfugt).

"Fæstir stunda að lemja konurnar sínar - eða nokkurn annan. Þess vegna er það sem er horft á í ofbeldismyndum ekki yfirfært beint út í daglega lífið. Hins vegar eru flestir sem stunda kynlíf - og það að horfa á klám þar sem þessu tvennu er spyrt saman... þar sem einhver horfir á klám og fer síðan að stunda kynlíf þá er ekki óvarlegt að segja að það sem hann sér í kláminu sé yfirfært á kynlífið. "  Það er alls ekki hægt að fullyrða að sá sem horfir á ofbeldisfulla klámmynd fari og berji makann  í næstu rúmferð.  Fæstir berja makann, þó svo að þeri stundi kynlíf og hafi horft á ofbeldisfullt klámefni.

[Magnús Hákonarson (IP-tala skráð) 22.5.2007 kl. 14:30]

Sumir þeirra sem berja konuna sína horfa á ofbeldisfullt klám.  Aðrir þeir sem sem berja konurnar sínar horfa eingöngu á erótískt klám. Enn aðrir horfa hvorki á klám né erótík og samt berja þeir konurnar sínar eins og harðfisk.

[Katrín Anna Guðmundsdóttir, 22.5.2007 kl. 17:29]

Jamm - en þú ert eitthvað að misskilja pointið með þessu. Og þarf ekki endilega að tengjast ofbeldi í klámi heldur t.d. niðurlægingu - eða bara hugmyndum og fantasíum. Eitt af því sem klámið gerir er t.d. að fólk heldur að það sem þar fer fram sé mun algengara, eða nánast norm, án þess að sú sé raunin. Endaþarmsmök eitt dæmi um það - og margar konur sem hljóta varanlegan skaða af þeim sökum. 

[Tómas Guðbjörn Þorgeirsson, 22.5.2007 kl. 20:56]

hmm forvitnilegt...væri gaman að fá að heyra meira um þetta Guðmundur.

[Katrín Anna Guðmundsdóttir, 23.5.2007 kl. 00:11]

Guðmundur ég myndi stórkostlega efast um hvaða forsendur eru þar að baki. Þar sem aðgangurinn er takmarkaður gæti ég vel trúað að kynjajafnréttið væri líka takmarkað. Eins og hefur komið fram áður það eru það margir samverkandi þættir í samfélagsgerðinni sem búa til kynferðisofbeldismenn. Klám er bara einn af þeim þáttum - ekki sá eini. Strákar sem vilja réttlæta fyrir sér klámáhorf á þeirri forsendu að það dragi úr nauðgunum eru á villigötum. Annars ætti að vera nóg að líta á stöðuna hér á Norðurlöndum til að sjá að klámið er ekki að hafa jákvæð áhrif heldur þvert á móti. 

[Magnús Hákonarson (IP-tala skráð) 23.5.2007 kl. 00:45]

Ég geri mér fullkomlega grein fyrir að klámmyndir geti haft áhrif á staðalímyndir í kynlífi hjá ungu fólki.

En minn puntkur í þessu snýst um að við getum ekki greint á milli fræðsluefnis, myndlistar, erótíkur og kláms á hlutbundinn hátt sem er nauðsynlegt ef við viljum banna t.d. banna klám.  Ég hef ekki rekist á neina skilgreiningu á klámi sem gerir það kleift.

Þessvegna þarf að færa fókusinn yfir á forvarnir, að fá fólk sem vill horfa á klám eða erótík til að velja "gott" efni sem elur ekki á ofbeldi og niðurlægingu.

Hvaða punktur var þetta annars með konur og endaþarmsmökin?  Ætti þetta ekki að vera stærra vandamál meðal samkynhneigðra karlmanna?

[Katrín Anna Guðmundsdóttir, 23.5.2007 kl. 01:02]

Magnús klám er reyndar bannað með lögum. Þeim er bara ekki framfylgt. Málið er að þeir sem vilja berjast fyrir klámi gera það oft á þeim forsendum að berjast fyrir öllu klámi. Nefni klámstefnuna enn og aftur sem dæmi þar sem voru fjölmörg dæmi um virkilega ofbeldisfullt og viðbjóðslegt efni... samt voru margir á því að þetta væri bara í góðu lagi og engin ástæða til að grípa til aðgerða. 

Ef þú skoðar það sem femínistar hafa gert þá felst það aðallega í að tala um klám... einstaka femínistar hafa kært klám í þeim tilgangi að láta reyna á lögin. Ekki hefur verið farið fram á nýja lagasetningu. Ég myndi segja að yfirgnæfandi hluti baráttu okkar hafi beinst í þá átt að reyna að fá karlmenn til að hafna niðurlægjandi og ofbeldisfullu efni... en það gengur illa... og væri fínt að fá fleiri karlmenn í þá baráttu... en það gengur líka illa því flestir karlar tala um að finna leiðir til að horfa á klám án samviskubits... í staðinn fyrir að hugsa um hvort þetta sé í alvörunni sá raunveruleiki sem þeir óska konunum sem þeim þykir í alvörunni vænt um...  

[Magnús Hákonarson (IP-tala skráð) 23.5.2007 kl. 01:34]

Það er fullt af fólki (samt fleiri karlar en konur) sem fíla klám eða það sem við getum kallað erótík.  Það er líka til mikið af góðu efni sem framleitt er við "réttar aðstæður" þ.e. lögráða einstaklingar sem gera það ekki af neyð heldur fúsum og frjálsum vilja (þekki þannig fólk og meira að segja fólk sem hefur gert þetta gratís).

Á meðan þannig efni er til þá þýðir ekki að setja allt undir sama hatt. Það næst miklu minni árangur þannig, heldur en ef fókusað væri á hvaða efni það er sem talið er slæmt.  Biðja fólk um að horfa á þetta með gagnrýnum augum. Auka þarf fræðslu um heilbrigt og gott kynlíf (hmmm... þarf maður ekki að skilgreina heilbrigt og gott kynlíf)

En er ekki aðal vandamálið varðandi lögin og klámið að skilgreiningarnar eru svo huglægar?  Ég held það.