Auðveldara fyrir femínista!

Fór á fund FKA í morgun. Svafa Grönfeldt var fyrirlesari og hún sló í gegn eins og ævinlega. Það eru komin um 10 ár síðan ég hlustaði fyrst á Svöfu halda fyrirlestur. Þá sá ég um starfsmannadag í fyrirtækinu sem ég var að vinna hjá og hún kom og var með fyrirlestur á deginum. Sló í gegn þar... að sjálfsögðu.

Anyways - Svafa fjallaði um leiðir til árangurs, að þekkja sjálfan sig og umhverfið. Silja Bára orðaði þetta ágætlega þegar hún sagði að málið væri að kyssa froskinn... Með öðrum orðum. Stökkva á tækifærin þegar þau bjóðast. Nú, svo má auðvitað skapa sín tækifæri sjálf :) Og herja á aðra um að bjóða tækifæri jafnt til kvenna og karla. Endalausir möguleikar  

Svafa kom með margt skemmtilegt - í augnablikinu er þetta í uppáhaldi:

Hamingjan felst í því þegar samræmi er í því sem maður (kona) hugsar, segir og gerir.

Man ekki nákvæmt orðalag en innihaldið var nokkurn veginn svona. Get alveg tekið undir þetta - að vera maður sjálf í heimi þar sem er sífelld pressa um að falla inn í einhver þröngt afmörkuð, stöðluð box þar sem allar konur eiga að vera eins og allir karlar eiga að vera eins - það er hægara sagt en gert. Auðveldara ef kona eða maður er femínisti samt - get alveg vitnað um það

Athugasemdir

[Katrín Anna Guðmundsdóttir, 13.3.2007 kl. 15:21]

Já það er hægt að fara í stórt og mikið debat um tungumálið "Hvenær verða allir menn taldir menn" er sungið í Áfram stelpum... Minnir samt að ég hafi verið mjög fljót að ákveða að ég vildi vera talskona FÍ frekar en talsmaður. Ástæðan einfaldlega sú að ég vil vera hún - en ekki hann... burtséð frá því hvort maður sé samheiti yfir bæði konur og karla... Maður er eftir sem áður hann - en mín sjálfsmynd er hún... Íslenska er mjög karllægt tungumál og konur eru mjög oft í hlutverki "hans" en karlar mun sjaldnar í hlutverki "hennar". Konur taka athugasemdarlaust upp starfsheiti eins og ráðherra en karlar verða ekki flugfreyjur eða hjúkrunarkonur... Mér finnst allavega gaman að spá svolítið í þessu og gera konuna sýnilegri. En næsta manneskja sem tekur við af mér hjá FÍ - hún getur ráðið hvort hún verður talskona eða talsmaður - hvort sem hún verður hún eða hann

[Katrín Anna Guðmundsdóttir, 13.3.2007 kl. 15:50]

ps. Meina samt ekki að ég vilja fara í debat við þig... En mér finnst tungumálapælingarnar mjög skemmtilegar!

[Katrín Anna Guðmundsdóttir, 14.3.2007 kl. 00:03]

Já - ég reyni yfirleitt að nota kona/karl saman en ekki kona/maður. Stundum er ég samt kærulaus... og stundum að spila með málvitundina um að maður er í flestra hugum karlmaður en hefur ekki sömu tengingu og t.d. orðið manneskja. En point taken - og ég skal passa mig á kæruleysinu