Núðlur

Núðlur
2 egg
Grænmeti (t.d. rauðlaukur, paprika og gulrætur)
Teriyaki sósa
Worchester sósa
Hlynsýróp
Ólífuolía
Smá salt

Núðlur settar í sjóðandi vatn. Tekið af hitanum og látið standa í 4 mín. Vatni hellt af og núðlurnar skolaðar í köldu vatni. Grænmetið skorið niður og steikt á pönnu. Sett til hliðar. Eggin hrærð á pönnunni. Núðlum bætt út í og blöndu af Teriyaki sósu, Worchester sósu (örlítið), hlynsýrópi og ólífuolíu hellt yfir. Grænmetið sett út í, öllu blandað saman og saltað.

Afskaplega gott! 

ps. Ekki fríka út - ákvað bara að það væri fínt að tala um eitthvað allt annað í 5 mín

Athugasemdir

[Sóley Tómasdóttir (IP-tala skráð) 19.2.2007 kl. 14:42]

Þið femetistar viljið bara að fólk borði núðlur og aldrei neitt annað. Af hverju eru aldrei uppskriftir hér af einhverju sem heftir ekki svona frelsið til kjötáts? -Við mennirnir erum nú einu sinni í eðli okkar rándýr og eigum rétt á að borða kjöt...

Gott múf Kata - þú ert æði!

[Katrín Anna Guðmundsdóttir, 19.2.2007 kl. 14:48]

Gat skeð... ekki flóafriður fyrir femínistum! Eins gott að þú ert í uppáhaldi

[Silja (IP-tala skráð) 19.2.2007 kl. 14:50]

femínasistar, má nú ekki borða blóðugt kjöt!!!

[Örvar Þór Kristjánsson, 19.2.2007 kl. 15:54]

Svona til að vera ekki alltaf að þessu nöldri þá ætla ég að prófa þetta.. lýst ansi vel á enda núðlur góðar og hollar.

[Katrín Anna Guðmundsdóttir, 19.2.2007 kl. 16:18]

Verði þér að góðu - og eitt í viðbót. Rosalega gott að bæta fersku engifer við sósuna

[Guðríður Hrefna Haraldsdóttir, 19.2.2007 kl. 17:06]

Loksins ertu komin á bak við eldavélina, sjúkk! Heheheheh, líst vel á þessa uppskrift, takk fyrir hana og allar hinar frábæru færslurnar!

[Katrín Anna Guðmundsdóttir, 19.2.2007 kl. 17:12]

Hvað meinarðu með á bakvið eldavélina? Maðurinn minn ætlar að elda

[Álfhóll, 19.2.2007 kl. 21:46]

Dásamleg Kata!

Guðrún

[Rúnar (IP-tala skráð) 20.2.2007 kl. 17:37]

Hvar fæ ég Worchester sósu?

[Katrín Anna Guðmundsdóttir, 20.2.2007 kl. 17:44]

Í matvörubúð. Heitir reyndar Worcestershire sósa... en er kölluð Worchester á mínu heimili.  

[Karolina , 23.2.2007 kl. 20:37]

Rosa girnileg uppskrift, oft líka gott að steikja smá hvítkál og henda í svona núðlurétti alveg meiriháttar gott.....i