Ég bara spyr

Ef þú þekkir einhvern sem er um það bil að fara að stíga fullur upp í bíl og keyra heim hefur þú þá rétt á að mótmæla? Hefur þú einhvern rétt á að fara fram á það við lögregluna að hún stöðvi manninn og komi þannig í veg fyrir að hann keyri fullur? Eða er það kannski bara frelsi mannsins að setjast undir stýri og keyra í því ástandi sem honum sýnist á meðan honum tekst kannski að komast klakklaust heim án þess að skaða aðra?

Ökumaður í annarlegu ástandi skapaði stórhættu á götum Reykjavíkur

Athugasemdir

[Njörður Lárusson, 17.2.2007 kl. 00:15]

Menn, og konur, geta auðvitað gert hvað sem er, og lundarnir geta svo sem reynt að pípa eitthvað, og blikka.  En það er auðvitað alltaf of seint. 

Best er að keyra eineygt, Þegar maður er drukkinn, þá gengur þetta venjulega áfallalaust.  Þ.e.  loka öðru auganu, og anda jafnt og rólega allann timann.  Veljið bílastæði sem eru stór, og nóg pláss.  Ekki reyna að leggja þröngt.   Fylgið umferðaræðum eins og kostur er, og akið ávallt á löglegum hraða.  Ef þú getur ekki lesið á mælinn, þá bara á svipuðum hraða og allir hinir.  Best er samt að sleppa því að reyna þetta.  Eitt skipti, getur eyðilagt lífið, munið það félagar, konur og kallar.

[Rúnar (IP-tala skráð) 17.2.2007 kl. 00:21]

Já, að sjálfsögðu áttu að mótmæla því en ekki að hann megi koma til landsins þó hann ætli að keyra fullur :).

[Sóley Tómasdóttir (IP-tala skráð) 17.2.2007 kl. 00:36]

Oh Kata, þú ert æði!

[Eyja Margrét (IP-tala skráð) 17.2.2007 kl. 01:03]

Þú hefur staðið þig eins og hetja í að skrifa um þetta. Mér finnst þú hins vegar óeðlilega þolinmóð við að svara athugasemdum. Og ég er með óbragð í munninum eftir að hafa lesið dónaskapinn í sumum athugasemdunum. Hvurs lags ruddapakk er þetta sem les bloggið þitt?

[Robert (IP-tala skráð) 17.2.2007 kl. 01:03]

Frá sjónarhorni Hægri-sinnaða: já, þú mátt það.

 Frá sjónarhorni Vinstri-sinnaða: Nei, það máttu ekki.

[Robert (IP-tala skráð) 17.2.2007 kl. 01:06]

Frá sjónarhorni Hægri-sinnaða blaðamannsins: já, þú mátt það, helst sekta hann um 500.000 og henda honum í fangelsi í amk 5 mánuði óskilorðsbundið

Frá sjónarhorni Vinstri-sinnaða blaðamannsins: Nei, það máttu helst ekki, fyrst hann má það, þá má ÉG það, og ef þetta er ríku karlmaður, þá má ég gera það 4 sinnum oftar !

[Ester Sveinbjarnardóttir, 17.2.2007 kl. 02:17]

Það er erfið staða að horfa á eftir einhverjum aka af stað án þess að vera fær um það vegna neyslu.  Enginn hefur leyfi til þess að skapa öðrum hættu með slíku framferði, en hitt er aftur spurning hvort eltingaleikur lögreglu til að stöðva viðkomandi geri illt verra eða ekki.  Best er auðvitað að taka lykla af viðkomandi áður en lagt er af stað ef þess er kostur.

[Pétur Þór Jónsson, 17.2.2007 kl. 02:22]

Sjálfur lenti ég í þessu sem stráklingur og eftir því sem árin hafa liðið hef ég þakkað Almættinu fyrir að hafa ekki skaðað neinn nema sjálfan mig  og veskið mitt.

[Svenni (IP-tala skráð) 17.2.2007 kl. 04:11]

Ef þú keyrir full\ur þá ert þú að skapa hættu fyrir fleiri en sjálfan þig og því á það að sjálfsögðu að vera bannað. Þú sem einstaklingur ert frjáls til að gera það sem þú vilt, svo lengi sem það kemur ekki niður á öðrum, Svo einfalt er það. Forræðishyggja að öðru leyti er fáránleg. Þú ert eins og staðan er í dag sjálfráða við 18 ára aldurinn og því þarftu ekki leyfi stjórnvalda eða annara til að gera hluti sem þig langar til að gera nema þá að þeir hlutir sem þú óskar að gera komi niður á öðru fólki.

[Sirrý (IP-tala skráð) 17.2.2007 kl. 11:30]

Það er siðferðileg skylda hvers manns að láta vita af svona atlægi. Alveg eins og þegar þú veist af barni sem býr við illan aðbúnað. Siðferðileg og lagaleg skylda, í báðum tilvikum...

[ER (IP-tala skráð) 17.2.2007 kl. 12:48]

Er þetta ekki enn eitt dæmið um forsjárhyggju geðveiki femíniskra þurrkubletta.  Ég sver það að ekki ætla ég að kalla mig femínista meðan þið látið svona. 

[sigfus (IP-tala skráð) 17.2.2007 kl. 13:15]

ÞÚ ÁTT að láta vita eða stopp hann annars ertu jafn ábyrgur og ökumaðurinn.

Ég hef sjálfur hringt oftar en einu sinni á lögreglu til að stoppa fulla ökumenn.

En þegar að ég var 17 ára keyrði ég nokkrum sinnum fullur, og þakka guði reglulega fyrir það að þrátt fyrir heimsku mína hafi ég komist hjá því að skaða mig og aðra, aðalega aðra. Það sem fékk mig til að hætta var að einn félagi minn var tekinn og sviftur í fyrsta skifti sem hann keyrði fullur, og í annað skifti keyrði hann út af, stór slasaði tvo og eyðilagði andlitið á sér svo hann hefur enn ekki 6 árum seinna, jafnað sig til fulls. Daginn eftir þegar ég heirði þetta sagði ég við sjálfan mig, aldrei aftur.

[gerður rósa gunnarsdóttir, 17.2.2007 kl. 18:46]

Pétur Þór: Auðvitað ´lendir´ maður ekkert í svona. Maður gerir þetta. Ég hef hringt og klagað í lögguna þegar ég hef vitað til þess að einhver væri að keyra fullur.
Síðast þegar ég stal bíllykli af manni sem ætlaði að keyra fullur, og líkurnar voru aðalega á því að hann keyrði fram af björgum og skaðaði sjálfan sig, var að ég fékk haglabyssuhlaup í magann. Þá henti ég lyklunum í hann og bað hann að gjöra svo vel að drepa sjálfan sig.
Það eru samt líklega ekki almenn viðbrögð.
En hvað um það þá hef ég sjálf keyrt eftir að hafa drukkið.

[BostonInga (IP-tala skráð) 17.2.2007 kl. 19:25]

HALLÓ,,,þú yrðir ekki ánægð ef þú yrðir fyrir barðinu á þessum drukkna ókumanni og myndi eflaust blóta lagana vörðum og öðrum í sand og ösku fyrir að hafa "leyft" þessum einstaklingi að fara út í umferðina.  Auðvitað myndi maður gera allt sem maður gæti gert til að koma í veg fyrir að manneskja sem væri í annalegu ástandi færi út í umferðina því að maður veit aldrei hver gæti orðið fyrir, ljósastaur, bíll, manneskjan sjálf slasast eða eitthvað enn verra, Barn,,, svo að ég held að hver sem er með hreina samvisku ætti að grípa til allra tiltækra ráða og koma í veg fyrir að manneskja sem er undur áhrifum fari út í umferðina, alveg sama hvort að maður sé vinstri eða hægri sinnaður í þessu finnst mér pólitík ekki skipta einu einasta máli.  Líf okkar er miklu mikilvægara en það

[Halldór Sigurðsson, 17.2.2007 kl. 21:03]

Það er skylda þín að tilkynna, ef þú veist af einhverjum,sama hver er ,að aka ölvaður.

Þetta er einnig þín vegna - að geta komið í veg fyrir óhapp,slys og jafnvel banaslys. 

[Manuel (IP-tala skráð) 17.2.2007 kl. 22:05]

Heyrði það útundan mér að þú værir nú orðinn einn af vinsælustu bloggurum landsins. Varð því að brjóta odd af oflæti mínu í þetta eina skipti til að sjá "what the fuss is about". Þetta er allt hið glæsilegasta og óska ég þér til hamingju með þetta. Sé það bara á fjölda athugasemda að þú ert að skapa virka umræðu um feminisma sem er gott mál. Keep up the good work. 

Ég held samt áfram að boycotta.

Manuel 

[Katrín Anna Guðmundsdóttir, 18.2.2007 kl. 14:16]

Gaman að sjá þig aftur Manual Þín er sárt saknað. Vona að þú brjótir boycottið sem oftast - en auðvitað bara  hér!

[Greta Björg Úlfsdóttir, 21.2.2007 kl. 17:10]

Maður nokkur var um það bil að stíga upp í bifreið sína eftir mikil veisluhöld. Hann var sauðdrukkinn og átti fyrir höndum nokkurra klukkustunda akstur heim til sín, þar sem hann bjó úti á landi. Áhyggjufullur vinur hans spurði hann þá hvort hann ætlaði virkilega að setjast undir stýri í þessu ástandi. Kauði svaraði að bragði: "He, he, þetta er allt í lagi, það verður runnið af mér þegar ég kem heim". Ekki fylgdi þessari sögu lýsing á lundarfari eiginkonunnar sem heima beið, en þessi saga hefur verið heimfærð á þjóðkunna stjórnmálamenn hér á landi, hvað sem til er í því.