Áfram kennarar

Skrýtið hvað kennarastéttin virðist alltaf þurfa að hafa mikið fyrir sínum kjaramálum. Síðast þurftu hún að fara í verkfall á meðan aðrar stéttir fengu sambærilegar eða jafnvel meiri hækkanir með minni fyrirhöfn. Nú á að neita þeim um hækkanir í takt við tímann þrátt fyrir ákvæði í kjarasamningum. Lítur út fyrir að kennarar þurfi að fara í hart til að vinnuveitendur standi við sinn hluta samningsins. Stend með kennurum í þessu. Kennarastarfið er vanmetið. Þetta er eitt mikilvægasta og mest krefjandi starf sem til er. Kennarastéttin er líka kvennastétt.

Mörg hundruð grunnskólakennara mótmæltu launamisrétti

Athugasemdir

[Zóphonías, 13.2.2007 kl. 18:36]

Hefur  kona setið í kjaranefnd sveitafélagana?

[Katrín Anna Guðmundsdóttir, 13.2.2007 kl. 18:40]

Ég hef ekki kynnt mér hverjir sitja (eða hafa setið) í kjaranefndum sveitarfélaga. Kannski einhver fróð/ur skelli því hingað inn...

[Stolt er hollt (IP-tala skráð) 13.2.2007 kl. 18:50]

Kennarar eru stétt sem aldrei hefur þurft að berjast fyrir launum sínum fyrr en nú á síðustu árum.

Meðan aðrar stéttir þurftu að fara í hvert verkfallið á fætur öðru fengu kennarar sjálfvirkar hækkanir. Þegar þeir loks þurftu að fara í verkfall urðu greyin að fá áfallahjálp. Engin starfstétt með virðingu fyrir sjálfri sér hefði tekið annað eins í mál.

Ætli þjóðin öll þurfi ekki áfallahjálp ef kennarar fara aftur í verkfall. 

[Þorgerður Laufey Diðriksdóttir, 13.2.2007 kl. 19:31]

Samkvæmt samþykktum um Launanefnd sveitarfélaga frá í september 2002 er hlutverk hennar:

• að gæta hagsmuna sveitarfélaganna gagnvart samtökum þeirra launþega, sem þau ráða til starfa, sérstaklega að því er varðar kaup og kjör.
• að koma fram sem samningsaðili fyrir hönd sveitarfélaga, fyrirtækja, stofnana og hagsmunasamtaka eftir því sem þessir aðilar gefa nefndinni umboð til eða leiðir af lögum. 
• að vinna að því að samræma afstöðu sveitarfélaganna til kjarasamninga og að móta stefnu í kjaramálum.
• að vinna að því að leysa með samningum ágreiningsmál á milli sveitarfélaganna og viðsemjenda þeirra.
  

Skipan Launanefndar sveitarfélaga
Launanefnd sveitarfélaga var kosin á landsþingi Sambands íslenskra sveitarfélaga í september 2006, og hana skipa:

Aðalmenn:Varamenn:Gunnar Rafn Sigurbjörnsson, formaðurLúðvík Hjalti JónssonSoffía Lárusdóttir varaform.Helga JónsdóttirHermann Jón TómassonGréta Sjöfn GuðmundsdóttirÞorsteinn EinarssonKarl TómassonHallgrímur BogasonSigurður Valur ÁsbjarnarsonBirgir Björn SigurjónssonGunnar B. EydalHalla SteinólfsdóttirEydís AðalbjörnsdóttirIngunn GísladóttirRagnhildur E. BjarnadóttirKjartan MagnússonJórunn Frímannsdóttir

[Zóphonías, 13.2.2007 kl. 19:45]

Það gleður mig að það séu svona mikið af konum í nefndinni:)

Varðandi ,,stolt er hollt" þegar Ísland varð lýðveldi 1944 þurfti að finna laun fyrir alla þingmennina og var þá ákveðið að miða laun þingmanna við laun kennara!  Hver heldur þú núna að sé munurinn á launum þessara tveggja stétta. Ég vil undirstrika að kennarar eiga skilið fulla virðingu fyrir það mikilvæga og góða starf hér á Íslandi og svo ég vitni í Mma Ramotsve ,, A country that doesn't respect it teachers is a country on the wrong way" .    :)

[Þorgerður Laufey Diðriksdóttir, 13.2.2007 kl. 20:16]

Grunnskólakennari yngri en 30, engin kennsluferil                                                               1.jan.07                                                   198.741    1. ágú. 07 kesk. lækkar í 26 tím                1.jan.08                                                   203.213                                                                                                                                  Grunnskólakennari 30 ára 5 ára kennsluferil                                                               1.jan.07                                                   211.868    1. ágú. 07 kesk. lækkar í 26 tím                1.jan.08                                                   216.635                                                                                                                                  Grunnskólakennari 45 ára 10 ára kennsluferil                                                               1.jan.07                                                   240.592    1. ágú. 07 kesk. lækkar í 26 tím                1.jan.08                                                   246.005     

[Katrín Anna Guðmundsdóttir, 13.2.2007 kl. 20:16]

Takk fyrir þetta Þorgerður og gangi ykkur sem allra best í baráttunni.

[Þorgerður Laufey Diðriksdóttir, 13.2.2007 kl. 20:20]

þetta er skýrara.

Grunnskólakennari yngri en 30, engin kennsluferil                                                               1.jan.07                                                   198.741    Grunnskólakennari 30 ára 5 ára kennsluferil                                                               1.jan.07                                                   211.868    Grunnskólakennari 45 ára 10 ára kennsluferil                                                               1.jan.07                                                   240.592   

[Katrín Anna Guðmundsdóttir, 13.2.2007 kl. 20:22]

Var ekki búin að sjá seinna innleggið frá þér þegar ég sendi mitt. Rosalega eru þetta litlar hækkanir sem koma með auknum kennsluferli - og lág laun þar að auki. Flott quotið frá Mma Ramotsve Er bara búin að lesa fyrstu bókina - þarf greinilega að drífa mig í að ná mér í næstu!

[Þorgerður Laufey Diðriksdóttir, 13.2.2007 kl. 20:31]

takk fyrir það, þetta er mál sem varðar alla þjóðfélagsþegna landsins.

Grunnskólinn stuðlar að jafnrétti til náms, jafnræði meðal þegna landsins og er ein megin stoð samfélagsins sem við byggjum.

Að stofna í hættu því lýðræðislega kerfi sem skólakerfið er, aftur og aftur, vegna þess að það er ekki hægt að meta þau störf sem unnin eru þar af sanngirni og heiðarleika. Veldur mér miklum áhyggjum og depurð.

[Siggi (IP-tala skráð) 13.2.2007 kl. 21:00]

http://my.opera.com/theanton/blog/2007/02/11/um-malfrae-ifeminisma#comments

[Óskar Helgi Helgason (IP-tala skráð) 13.2.2007 kl. 21:24]

Sæl, Katrín Anna og þið öll !

Eru þetta þá helztu eiginleikar femínismans............. að rjúka upp til handa og fóta, þá kemur að hinni árvissu kjarabaráttu kennara ?

Hvar er eldmóðurinn, þegar verkafólk, hvert yfirleitt skreytir sig ekki með einhverjum snobbtitlum, ráðgjafi þetta; eða fulltrúi hitt, sækir rétt sinn, eða reynir það, a.m.k. ? Jú, jú.... kennarar eflaust verðir síns hlutar, en........ Katrín Anna; hvar er komið þeim lágmarkslærdómi, hverjum við námum, sem gengum í barna- og unglingaskóla, áður hin hörmulegu grunnskólalög tóku gildi, á sinni tíð ? Það er segin sagan, þá þeir; hverjir neðstir standa í launastigum, fá einhverjar krónur aukalega (sé skattkerfið ei búið að hirða áður) þá skal öll helvítis skriðan fara af stað. Reyndar ryðja stjórnmála- og embættismenn yfirleitt brautina þar, með hinu einkennilega ''kjararáði'' !

Reyndar eiga menntamálayfirvöld, Þorgerður Katrín Gunnarsdóttir og hennar fyrirennarar höfuðsök á; hversu komið er; 10 - 12 ára börn kunna ekki undirstöðu atriði Íslandssögunnar, frá landnámi til okkar tíma, eða þá landafræðin; hvar er hún stödd, nú til dags ?  

Mætti nefna ótal ambögur aðrar, og hégiljur, hverjar í nútímanum þrífast ! 

Með blendnum kveðjum, úr Suðuramti /

Óskar Helgi Helgason, frá Gamla Hrauni og Hvítárvöllum 

[Katrín Anna Guðmundsdóttir, 13.2.2007 kl. 22:59]

Óskar Helgi auðvitað styðjum við kennara! Styðjum líka aðra hópa - tökum t.d. alltaf þátt í 1. maí göngunni og erum annaðhvort með fund á eftir eða sækjum fundi hjá öðrum. Meðal annars sem við höfum gert er að senda eftirfarandi álytkun til stuðnings setuverkfallskonum:

"Ályktun vegna setuverkfalls

Femínistafélag Íslands hvetur yfirvöld til að uppfylla launakröfur ófaglærðs starfsfólks þeirra 10 dvalar- og hjúkrunarheimila sem nú eru í setuverkfalli. Störf við umönnun, í eldhúsi, þvottahúsi og ræstingum eru talin til hefðbundinna kvennastarfa sem eru hvað minnst metin í þjóðfélaginu og er það óásættanlegt.
Þegar konur gagnrýna launamun kynjanna er viðkvæðið iðulega að það sé þeim sjálfum að kenna því þær krefjist ekki nægilega hárra launa. Nú eru fjölmargar konur að krefjast hærri launa og er hér tækifæri fyrir yfirvöld að sína stuðning sinn við láglaunakonur í verki með því að hækka laun þeirra þannig að þau verði í samræmi við framlag.

Launum í hefðbundnum kvennastörfum er haldið niðri með handafli í nafni stöðugleika í hagkerfinu og lágra skatta. Lág laun í hefðbundnum kvennastörfum í nafni lágra skatta þýðir í raun að konur eru "neyddar" til að greiða hlutfallslega meira til samfélagsins en karlar. Með öðrum orðum þá er lagður óbeinn samfélagslegur skattur á konur í formi lágra launa.

Femínistafélag Íslands hvetur fjármála- og heilbrigðisráðherra að nota þetta tækifæri og uppfylla launakröfur starfsmannanna. Það getur verið þeirra fyrsta skref til ná fram þjóðarsátt um að hefðbundin kvennastörf séu metin að verðleikum."

[Katrín Anna Guðmundsdóttir, 13.2.2007 kl. 23:09]

ps. kannski öruggast að taka fram að þetta er mitt prívat blogg en ekki opinbert blogg Femínistafélagsins

[Óskar Helgi Helgason (IP-tala skráð) 13.2.2007 kl. 23:55]

Sæl, Katrín Anna og þið öll !

Meiri andskotans boldangs kvenmaðurinn þú ert, Katrín Anna, jafnan skalt þú koma, skelegg og sköruleg til umræðunnar, sem aldrei fyrr. Engin helvítis pempía þar á ferð, heldur rökvís og staðföst, í öllum þínum meiningum. Þakka þér, sem og fyrir annað, að benda mér á 1. Maí þáttöku ykkar. Liggið þar með ekki, á liði ykkar, þótt við verðum ekki sammála um allt, virði ég einurð þína og hugdirfsku alla.

Með beztu kveðjum /

Óskar Helgi 

[Katrín Anna Guðmundsdóttir, 14.2.2007 kl. 10:42]

Það er naumast. Ef ég væri pempía myndi ég örugglega roðna núna