Útibú???

Hjó eftir því í þessari frétt að fjallað er um útibú MP banka - ekki dótturfélag. Getur verið að íslenskir bankar séu enn í dag með útibú í öðrum löndum og íslenska ríkisábyrgð á bak við allt saman? Á heimasíðu MP banka segir að útibúið veiti:

fjárfestum í Eystrasaltsríkjunum og á Norðurlöndunum fjármálaþjónustu með áherslu á fjárfestingar á fjármálamörkuðum í Austur-Evrópu.

Ekkert er talað um innlán og ég hef ekki hugmynd um hvernig ríkisábyrgð gildir fyrir þetta útibú. Hins vegar er ágætt að hafa í huga að MP banki fékk nýlega viðskiptabankaleyfi hér á landi. Í öllu falli þætti mér gott að fá meiri upplýsingar um þetta. Ef í ljós kemur að á bak við útibúið er íslensk ríkisábyrgð þá verður að bregðast við því. 

MP hefur brugðist við athugasemdum frá Litháen

Athugasemdir

[Auðun Gíslason, 9.7.2009 kl. 14:12]

Mér hefur nú flogið í hug að innistæður á Íslandi í MP séu til þess ætlaðar að bjarga tapi á útibúinu í Litháen.  Bankar eru í stórvandfræðum þar, m.a. annars er vandi sænskra banka rakinn til starfssemi þeirra í Eystrasaltsríkjum.

[Jóhannes Guðnason, 9.7.2009 kl. 15:20]

Sammála þér Katrín,ef þetta útibú sé á ábyrð íslensku þjóðarinnar,þá gerum við þá kröfu að þessum reglum sé breytt í hvelli,nú ætti þeir hjá fjármálaeftirlitinu að vinna sína vinnu sem þeir unnu ekki árið 2006 til 2008 eigilega ættu þeir að vinna hana kauplaust upp í vinnusvik og klúður varðandi landsbankann,Glitnir og kaupþing,þeir hljóta að geta tekið þá menn sem eru í því að dunda sér í vinnu á okkar launum að finna út hvar lekinn væri til DV,þeim væri nær að stoppa þetta gat strax,ef það kemur í ljós að þarna sé þetta á okkar ábyrg,en kannski vinna þeir svo hratt og leynt,að þeir séu búnir að loka fyrir þetta gat,en þjóðin viti ekki af því,ef það sé reyndin:þá bið ég þá afsökunar á þessum orðum,en ef ekki þá segi ég bara skammist ykkar. kær kveðja. konungur þjóðveganna.

[Hulda Haraldsdóttir, 9.7.2009 kl. 23:02]

Svo innilega sammála það er náttúrlega gjörsamlega óþolandi ef minnsti möguleiki sé á því að íslenskir bankar skuli ennþá vera í einhverskonar útrás er nú ekki nóg komið af sukkinu ???