Af hverju ekki sömu réttindi?

Ef fólk er í fullri vinnu ávinnur það sér 2 orlofsdaga á mánuði. Það ætti að vera sjálfsagt mál að atvinnulaust fólk á bótum ávinni sér sömu réttindi, sérstaklega núna þegar við sjáum fram á langvarandi atvinnuleysi.

Atvinnulausir eiga ekki rétt á bótum í orlofi

Athugasemdir

[Bjartmar Egill Harðarson, 2.7.2009 kl. 12:09]

Ekki gleyma veikindafrítökuréttnum og svo eiga þau auðvitað að fá álag. Það er ekki auðvelt að hanga heima.

[Púkinn, 2.7.2009 kl. 20:07]

að það sé "sjálfsagt mál" er bara fullyrðing á nokkurs rökstuðnings.

Af hverju ætti að að vera sjálfsagt mál?  Það er ætlast til að fólk á atvinnuleysisbótum eyði sínum tíma í atvinnuleit aða jafnvel atvinnusköpun - hvers vegna ætti að vera "sjálfsagt mál" að aðrir séu að borga þeim fyrir "orlofsdaga"?

[Baldvin Björgvinsson, 3.7.2009 kl. 09:42]

Ég hef sjálfur prófað það að vera atvinnulaus og hef ekki áhuga á því að lenda í því aftur. Mér datt þó aldrei í hug að ég ætti að fá frí í þessu alltoflanga fríi.

Ég mæli með því að atvinnulausir noti tímann til að endurmennta sig til starfa sem þörf er fyrir. Fólk sem er í námi á ekki rétt á orlofi og vinnur oftast allt sumarið, jólin og önnur frí, það gerði ég amk.

Ég mæli með að atvinnulausir berjist fyrir öðrum réttindum en orlofi, til dæmis að meiga stunda nám á bótum.

[Katrín Anna Guðmundsdóttir, 9.7.2009 kl. 13:37]

Já, það mætti eflaust breyta reglunum líka til að koma til móts við þá sem eru ekki í lánshæfu námi (hef ekki kynnt mér nægjanlega vel reglurnar í kring um það) - og auðvitað skynsamlegt að nýta tímann sem best í þessu „alltof langa fríi“. Hins vegar held ég að það sé ekki gott fyrir sálartetrið í langvarandi atvinnuleysi að mega ekki hugsa sér neitt til hreyfings. Það er allt annað að fólk sé sjálfrátt um að skreppa hringinn heldur en að flytja til útlanda á bótum. Það er ansi harkalegt að mínu mati af ætla að kyrrsetja fólk allan tímann sem það er atvinnulaust og ætlast til þess að það hegði sér eftir dúk og disk, sérstaklega í ljósi þess að nú má búast við því að sumir verði atvinnulausir í langan tíma. Fólk þarf líka að geta haldið sjálfstæði sínu í atvinnuleysinu - annað er mannskemmandi (og atvinnuleysið eitt og sér er nógu slæmt)