Ísland án ábyrgðar

Mörg einkenni íslensku þjóðarsálarinnar eru nú að koma í ljós. Eitt þeirra er Ísland án ábyrgðar. Það er sama hvað gengur á, enginn ber ábyrgð og enginn axlar ábyrgð.

Það kemur greinilega ýmislegt í ljós þegar hlutirnir eru upp á borðum sem sýnir og sannar nauðsyn þess. Reyndar er sú hætta líka fyrir hendi að þó hlutirnir séu uppi á borðum þá verði þeir bara að normi sem viðgengst án athugasemda þrátt fyrir vafasamt innihald. En... fátt er gallalaust og gegnsæjið er tvímælalaust besti kosturinn. 

Stjórnmálaflokkunum ber að sjálfsögðu að skila því fjármagni sem þeir tóku ólöglega á móti en er það nóg? Hvað með þá sem létu peninginn af hendi? Er enginn ábyrgð þar á bæ? Mér finnst engan veginn forsvaranlegt að forsvarsmenn fyrirtækja í opinberri eigu og stéttarfélög séu að greiða í kosningasjóði. Það er gjörsamlega út í hött.  

Samfylkingin bætir fyrir mistök

Athugasemdir

[Gísli Gunnlaugsson (IP-tala skráð) 24.3.2009 kl. 12:57]

Algerlega sammála.

[Jóhann Kristjánsson, 24.3.2009 kl. 22:31]

Þetta er mjög góð pæling. Ábyrgðin er ekki síst þar.

[Heidi Strand, 25.3.2009 kl. 08:24]

Góður pistill!