„Áfram ríkisstjórn“

Var niður á Austurvelli áðan þegar skyndilega lækkaði í trommuslættinum og einhver kallaði „GJALLARHORN, GJALLARHORN“ af lífs og sálar kröftum. Þegar gjallarhornið mætti á svæðið var tilkynnt af jafnmiklum krafti að Geir Haarde hefði lýst því yfir að ekkert gæfi tilefni til kosninga í vor! Ég fór að spá í af hverju hann er svona veruleikafirrtur og allt í einu rann það upp fyrir mér. Þegar maður er staddur örlítið frá mótmælunum heyrist orðið vanhæf ekkert sérstaklega vel. Geir situr því örugglega groddaralegur inn á þingi, ánægður með okkur. Viss um að hann hringir í erlendu pressuna og segir þeim að allt sé í fína á Íslandi - fyrir utan þingið standi þjóðin og öskri eins og hún eigi lífið að leysa „ÁFRAM RÍKISSTJÓRN!“ 

 

Athugasemdir

[Arinbjörn Kúld, 22.1.2009 kl. 01:40]

Jebb, hann er hættur að heyra og sér bara það sem hann vill sjá.

[Brynjar Jóhannsson, 22.1.2009 kl. 02:37]

Veistu..

Ég hugsaði nákvæmlega það sama :) .. .... Hann væri alveg í skýjunum yfir hve mikla hilli hann væri að fá á hverjum einasta degi.