Bleikar konur á bleikum degi

 

Til hamingju með daginn. Í dag eru liðin 92 ár síðan íslenskar konur, 40 ára og eldri, fengu kosningarétt. Mig langar að tileinka daginn í dag 2 konum sem eru mér kærar. Það er auðvitað hún Auður Magndís sem er gáfuð, skemmtileg, málefnaleg, kjörkuð og svo ótal margt fleira. Hún tók við af mér sem talskona. Reyndar verður hún meira og minna í útlöndum þar til í september, en það er allt í lagi. Nægur tími samt til að láta til sín taka  Núna er hún samt á fróninu í sumarfríi. Síðan er það hún Benedikta mín sem var sú besta vinkona sem kona getur eignast. Hugmyndarík, áræðin, hreinskilin og sagði það sem hún var að hugsa. Eiginleiki sem ég met mikils. Svo var hún auðvitað líka gáfuð og skemmtileg.

Reyndar á þriðja konan skilið að við höldum upp á daginn fyrir hana. Það er hún Elín sem á hugmyndina að Málum bæinn bleikan. Það er rosalega gaman að sjá hvað fólk er samstíga í að sýna hug sinn til jafnréttis í verki í dag með því að bera eitthvað bleikt eða gera eitthvað bleikt. mbl.is er bleikt í dag. DV gerir deginum góð skil, Morgunútvarpið var með frábæra umfjöllun í morgun. Meira að segja morgunþátturinn Zúber var bleikur í morgun. Ég heyrði reyndar ekki umræðurnar þar en náði þegar þau voru að kveðja og skilst að sitthvað hafi gengið á í umræðunni þar. Bleikar kveðjur til Siggu Lund! Heyrðist henni ekki veita af

Athugasemdir

[Andrea J. Ólafsdóttir, 19.6.2007 kl. 10:51]

Til hamingju með daginn.

Eiginlega er það nú hálf ótrúlegt að mínu mati að konum hafi verið haldið svo niðri að þær höfðu ekki kosningarétt fyrr en á síðustu öld! Spáðu í það. Þetta þokast áfram í hænuskrefum

[Jenný Anna Baldursdóttir, 19.6.2007 kl. 13:21]

Hátíðarkveðjur til þín flotta kona og "ógisla" ertu klár að setja þetta hreyfidæmi "við málum bæinn bleikan" á síðuna þína.  Get ég fengið námskeið í svona?  Þú hefur auðvitað "ekkert" að gera eftir þú hættir í talskonustarfinu.

[Katrín Anna Guðmundsdóttir, 19.6.2007 kl. 13:39]

Þið eruð æði. Jenný það er ekkert mál að setja svona bleikan borða inn í innlegg. Afritaðu bara þetta hér:

<img src="http://www.feministinn.is/myndir/19juni2004/19jun_banner_500px.gif" border="0" width="400" height="77" />

Svo þegar þú ert að skrifa nýja bloggfærslu þá skiptir þú bara yfir í html ham (valmöguleiki í hægra horninu fyrir ofan bloggtextann). Skeytir línunni hér fyrir ofan þar inn og vistar. Þá er þetta komið!