Spennandi framundan

Framundan eru 2 fundir um vændismál. Hingað koma sterkir erlendir fyrirlesarar svo það er um að gera að grípa tækifærið og heyra hvað þær hafa spennandi að segja

Þessi ráðstefna verður á Grand Hótel á föstudaginn:

Fara vændi og virðing saman í jafnréttisþjóðfélagi?

Dagskrá
Kl.
13:00          Guðrún Jónsdóttir fundarstjóri og talskona Stígamóta opnar ráðstefnuna
13:10          Erindi pallborðsþátttakenda:
                   Rosy Weiss (Austurríki), forseti International Alliance of Women (IAW)
                   Marit Kvamme (Noregur), í stjórn Womens Front of Norway, Network Against
                   Prostitution and Trafficking in Women og FOKUS
                   Ágúst Ólafur Ágústsson (Íslands), alþingismaður
                   Rachael Lorna Johnstone (Skotland/Ísland), lektor við Háskólann á Akureyri
14:15          Umræður pallborðsþátttakenda
15:00          Kaffihlé
15:15          Umræður pallborðs og ráðstefnugesta
15:30          Niðurstöður frá pallborðsþátttakendum


Ráðstefnan fer fram á ensku, Aðgangur ókeypis, Kaffiveitingar

**** 

Fyrir þau sem búa fyrir norðan og vilja ekki skella sér til höfuðstaðarins er hægt að kíkja á annan fund á Akureyri:

Kvenréttindafélag Íslands, Jafnréttisstofa, Akureyrarbær og Háskólinn á
Akureyri standa fyrir opnum fundi í húsnæði Jafnréttisstofu að Borgum við
Norðuslóð á Akureyri, fimmtudaginn 7. júní kl. 12:00.

Erindi flytja:

*         Rosy Weiss, forseti alþjóðlegu kvenréttindasamtakanna
           International Alliance of Women (IAW): Kynning á IAW

*         Þorbjörg Inga Jónsdóttir, formaður KRFÍ:              
           Alþjóðasamstarf KRFÍ

*         Margrét María Sigurðardóttir, framkvæmdastjóri Jafnréttisstofu:
           Staða jafnréttismála

Fundarstjóri er Katrín Björg Ríkarðsdóttir framkvæmdastjóri samfélags- og
mannréttindadeildar Akureyrarbæjar.

Fundurinn er öllum opinn og fer fram á ensku. Boðið verður upp á súpu og
brauð.

Athugasemdir

[Andrea Gunnarsd. (IP-tala skráð) 5.6.2007 kl. 16:28]

"Fara vændi og virðing saman í jafnréttisþjóðfélagi?"

Ég er ekki alveg að átta mig á því hverju er verið að reyna að koma fram þarna.  

[Katrín Anna Guðmundsdóttir, 5.6.2007 kl. 16:38]

Svarið er augljóslega nei - að þetta fer ekki saman... Því miður virðist þurfa að ræða það enn þann dag í dag. Fólk ekki enn tilbúið að átta sig á því að vændi er ofbeldi og að konur sem eru í vændi eru þolendur ofbeldis. Einhvern veginn virðumst við sem samfélag afskaplega illa í stakk búin að takast á við voðaverk samtímans þó við séum afskaplega dugleg að hneykslast á fortíðinni og spá í hvernig fólk lét ýmislegt viðgangast þá.

[manuel (IP-tala skráð) 5.6.2007 kl. 18:10]

Hver er markhópur ráðstefnunar? Ekki er það hinn venjulegi íslenski maður sem vinnur frá 8 - 16 á föstudögum. 

Af hverju er alltaf passað uppá að hafa ráðstefnur á þeim tíma sem almenningur kemst ekki? Svolítið furðulegt að biðla til almennings að ganga til liðs við feminista á sama tíma og fræðslan um jafnréttismál er alltaf á einhverjum ráðstefnum á vinnutíma.

En þar fyrir utan hefði ég hvort sem er ekki mætt á þessa ráðstefnu. Finnst þetta ansi fáránlegt umræðuefni og umræðurnar dæmdar til að verða öfgafullar og einsleitar. En það hafa komið ráðstefnur sem hefðu eflaust verið fróðlegar og skemmtilegar sem ég hefði hugsað mér að kíkja á ef ég væri ekki í vinnunni.

[Andrea Gunnarsd. (IP-tala skráð) 5.6.2007 kl. 21:59]

Bíddu, nei? Hver segir það? Er það ekki bara þín skoðun?

Allavega get ég ekki tengt "vanvirðingu" og vændi saman, og hef ekkert á móti því. 

[Katrín Anna Guðmundsdóttir, 5.6.2007 kl. 22:56]

Nei, þetta er ekki bara mín skoðun.

[Skarphéðinn (IP-tala skráð) 6.6.2007 kl. 01:42]

Er einhver þeirra sem talar þarna á annari skoðun en feministafélagið?  Eða er þetta svona samansafn af fólki sem á allt að segja sama hlutinn?

[Katrín Anna Guðmundsdóttir, 6.6.2007 kl. 12:35]

Sumt tengist ekki skoðunum heldur fræðslu, þekkingu og jafnvel lögum...