Frelsi hverra?

Í baráttunni fyrir klámi eru oft notuð þau rök að fólki eigi að vera frjálst að velja að horfa á klám. Þessir sömu aðilar vilja hinsa vegar hunsa rétt þeirra sem vilja ekki sjá klám... Nú hefur Google bæst í hópinn og é sé ekki betur en að þau sem nota myndaleitina á Google megi eiga von á því að þar muni klámmyndir birtast ásamt öðrum myndum. Augljóslega er ekki hægt að nota rökin um að fólk hafi frelsi til að velja sig frá kláminu í þessu. Ekki frekar heldur en að fólk hafi frelsi til að velja sig frá kláminu í flestum bókabúðum þar sem klámblöðum með hlutgerðum og útglenntum sílikonum er still upp í blaðarekkanum, og stundum hjá kassanum. Fyrir utan frelsi fullorðinna til að velja sig frá þá þarf líka að hugsa um börnin. Börnin eru ekki varin fyrir klámi heldur er því troðið upp á þau víða í opinberu rými. Ekki þarf að líta lengra en til kassa sumra matvöruverslana sem klessa klámblaðinu Bleikt og Blátt á kassann hjá sér. 

Hið sýnilega klám í opinberu rými er yfirleitt af konum. Það er bara staðreynd að konur fara ekki svona illa með karla eins og karlar gera með konur í gegnum klámið. Hommaklámið er síðan vel falið augum hins gagnkynhneigða karlmanns... sem virðist bara vera "frjálslyndur" í hugsun þegar kemur að hlutgerðum og niðurlægðum konum í klámi en ekki körlum. 

Klám hefur slæm áhrif á margar konur og gerir það að verkum að þeim líður illa. Með því að klístra klámi út um allt í opinberu rými er í raun verið að búa til umhverfi sem er fjandsamlegt konum. Það getur haft þau áhrif að konur forðast þessi svæði. Þetta er með öðrum orðum enn ein birtingarmynd á samfélagi sem sniðið er að "þörfum" karla og raunveruleiki og líðan kvenna hunsaðar. Konur skulu aðlaga sig að hinum karllæga veruleika og því sem karlar vilja eða bara halda sig heima...  

Google leyfilegt að birta smámyndir klámsíðna

Athugasemdir

[Andri Thorstensen (IP-tala skráð) 20.5.2007 kl. 15:20]

Þú ert alveg gjörsamlega að misskilja þennan dóm. Hann snýst aðeins um það hvort Google sé heimilt að taka myndir frá öðrum vefjum, vista á eigin netþjónum og svo birta þær netnotendum - í raun er þetta aðeins höfundaréttarmál sem snýr að "fair use" réttinum á efni annarra aðila.

Google er hinsvegar með ákveðið klámsíukerfi (auðvitað ekki alls óbrigðult) sem heitir safesearch og er hugsað til að koma í veg fyrir að börn og aðrar viðkvæmar sálir sjái klámefni í gegnum Google.
http://images.google.is/intl/en/help/customize.html#safe 

[Katrín Anna Guðmundsdóttir, 20.5.2007 kl. 15:31]

Ertu viss? Hljómar ekki þannig m.v. orðalag í fréttinni þar sem talað er um að þetta sé í myndaleitinni hjá Google. Svo er það ekki bara viðkvæmt fólk sem vill vera laust við klámið, þó þetta sé algengt orðalag hjá þeim sem vilja klína kláminu út um allt á þeirri forsendu að þetta sé vottur um eitthvað hugrekki eða "frjálslyndi" (sem er orð sem mér finnst algjör djókur að nota um klám...). Baráttan gegn klámi er stór hluti af baráttunni gegn kynferðisofbeldi og fyrir virðingu á milli kynja. 

[Katrín Anna Guðmundsdóttir, 20.5.2007 kl. 16:24]

Finnst eitthvað truflandi við að á blogginu mínu séu leiðbeiningar um hvernig hægt er að nálgast klám... svo ég eyddi út kommenti frá Algleymi... en set hér inn það sem hann sagði - mínus leiðbeiningar. Hef ekki minnsta samviskubit yfir að eyða út nafnlausum kommentum með svona leiðbeiningum... lágmark að það sé fullt nafn með!

"Það er rétt sem Andri segir, þetta mál snéri að rétti höfunda. Kerfið þeirra virkar þannig að þeir geyma nánast allt sem þú getur fundið á Internetinu á eigin vefþjónum, þannig getur þú skoðað gamlar útgáfur af vefsíðum löngu eftir að þær eru horfnar af netinu (getur smellt á lítinn hnapp fyrir neðan hverja niðurstöðu sem segir Cached). Þú hefur líklegast ekki tekið eftir klámi í myndaleit Google áður vegna þeirrar síu sem Andri talar um. Hún er eins góð og á er kosið enda Google-menn afar skilvirkir þegar kemur að meðhöndlun upplýsinga. Þessi sía er að jafnaði virk, það þarf að taka hana sérstaklega af til þess að klámið birtist. Sá möguleiki er reyndar ekki til í íslenska viðmótinu þannig að við erum varinn tvöfalt"

[Guðmundur Akri, 20.5.2007 kl. 18:13]

Ertu viss? Hljómar ekki þannig m.v. orðalag í fréttinni þar sem talað er um að þetta sé í myndaleitinni hjá Google.

Segir meira um fréttafluttning mbl af tæknimálum, sem hefur lengi verið í lamasessi... 

Það hefur áður verið talað um rétt Google til að nota höfundaréttavarið efni í tengslum við leitarniðurstöður, þetta er bara einn armurinn af því máli, og etv. fyrsta kæruniðurstaðan sem komin er. 

Réttur fólks til að velja það að sjá ekki klám er settur framar en réttur hinna, þeas þeirra sem vilja sjá klám, hjá Google. Möo. er það sjálfvalið hjá Google að ekki birtast 'vafasamar' myndir í leitarniðurstöðum þeirra.  

Hið sýnilega klám í opinberu rými er yfirleitt af konum. Það er bara staðreynd að konur fara ekki svona illa með karla eins og karlar gera með konur í gegnum klámið. Hommaklámið er síðan vel falið augum hins gagnkynhneigða karlmanns... sem virðist bara vera "frjálslyndur" í hugsun þegar kemur að hlutgerðum og niðurlægðum konum í klámi en ekki körlum.

Ég veit ekki hvort það sé rétt, en það hljómar eins og þú sért að gefa í skyn að það væri sigur fyrir jafnréttið ef hommaklám væri jafn áberandi í verslunum og annað klám. Sem er erfitt að setja í samhengi við það sem þú segir við að vernda börnin frá þessu öllusaman.

[Katrín Anna Guðmundsdóttir, 20.5.2007 kl. 21:01]

Beta ég hugsa að þú getir alveg talað fyrir mína hönd... allavega langoftast!

Ég er einmitt að meina þennan tvískinnung. Ég vil hafa klámlaust umhverfi. Hins vegar, ef umhverfið er klámvætt þá er auðvitað mjög skrýtið að talsmenn þess hafni hommaklámi og styrkir þá kenningu í sessi að verið sé að skapa kvenfjandsamlegt umhverfi þar sem karlar sýna völd/ástunda kúgun í gegnum klámið.

[Þrándur (IP-tala skráð) 21.5.2007 kl. 01:01]

Af lestri þessa pistils og svörum Elísabetar mætti halda að klám væri á hverju götuhorni, alberar kellingar að glenna sig framan í gangandi vegfarendur.  Auðvitað er það ekki tilfellið, klám er ekki til í opinberu rými.  Hinsvegar eru til teprur sem sjá klám í hverju horni og emja og æpa af minnsta tilefni.  Sömu teprur kjósa svo að kyngreina klámið þannig að mynd af konu er klám en samskonar mynd af karli er ekki klám.  Þannig verður til einhver spuni sem á að sanna að karlar ráði heiminum og konur séu kúgaðar.  Þetta er auðvitað óskiljanlegt öllu hugsandi fólki, en feministar tilheyra ekki þeim hópi, augljóslega.

[Meyja (IP-tala skráð) 21.5.2007 kl. 01:08]

Þrándur færir okkur hér enn og aftur pistil úr sjálfskipaðri einangrun sinni í Bjørnøya á Svalbarða. 

[Magnús Hákonarson (IP-tala skráð) 22.5.2007 kl. 16:27]

Auðvitað eiga þeir sem ekki vilja klám að ekki að þurf að ganga um með lokuð augun.  Klám á einfaldlega ekki að vera fyrir augum allra og þeir sem vilja sjá það eiga að þurfa að bera sig eftir því.  Ekki spurning.