Afsakið

Nói-Siríus hefur sent frá sér afsökunarbeiðni fyrir að hafa sent hóp af fólki í 1. maí gönguna með Tópas skilti og Tópas slagorð. Ég kann vel að meta þegar fólk og fyrirtæki biðjast afsökunar á mistökum sínum. Að sama skapi er ég furðu lostinn yfir þessu dómgreindarleysi, þ.e. að hafa gert þetta fyrir það fyrsta. Það er eins og mottó Vesturlandana þessa dagana sé að ekkert sé heilagt - en ekki í þeirri merkingu að ekkert sé óvéfengjalegt eða eigi að vera krufið með gagnrýnu hugarfari. Nei, merkingin er mun frekar sú að ekkert sé heilagt í markaðslegum tilgangi og að allt eigi að fyrirgefa af þeirri ástæðu einni að þetta var nú bara gert til að græða... eða selja í það minnsta. Samt er eins og hefðbundin kynjahlutverk séu heilög í auglýsingum ásamt hinu gagnkynhneigða normi... Já, margt skrýtið í kýrhausnum.

 

Athugasemdir

[SM, 3.5.2007 kl. 10:52]

einkar fíflaleg uppákoma hjá þeim 

[Jenný Anna Baldursdóttir, 3.5.2007 kl. 11:06]

Skammarleg framkoma og þeim hjá NS er greinilega ekkert heilagt.

[halkatla, 3.5.2007 kl. 15:12]

ég tek undir þetta með þér

[Jón Gunnar Ásbjörnsson (IP-tala skráð) 3.5.2007 kl. 19:30]

Mér finnst að Nói-Sirius hefðu bara átt að taka afleiðingum mistaka sinna. Þeir máttu þetta. Vill fólk þetta? Þeirra ákvörðun til að standa og falla með.

[erlahlyns.blogspot.com, 3.5.2007 kl. 22:34]

Jón Gunnar: Enginn sagði að þeir hafi ekki mátt þetta. En líklega voru viðtökurnar aðrar en þeir höfðu hugsað sér - þeir urðu sér til skammar með því að lítilsvirða baráttu verkafólks og báðust því afsökunar. Ég kalla það að taka afleiðingunum.

[Katrín Anna Guðmundsdóttir, 3.5.2007 kl. 23:20]

Nákvæmlega - þeirra ákvörðun - sem þeir féllu með...