Þjóðráð

Það er komið sumar og ég er að spá í að taka upp á því að fara að hjóla aftur. Hjólaði slatta sem krakki en nú er gamla hjólið mitt sem ég keypti fyrir fermingapeningana mína búið að liggja vanrækt úti í mörg ár, orðið illa farið og ryðgað. Þarf að redda mér nýju eintaki svo ég geti tekið út hversu hjólavænt Grafarholtið er með alla sína hóla og hæðar! Þegar Grétar verður búinn að pumpa í dekkin á sínum gamla skrjóð getum við farið í rómantíska hjólreiðartúra í allt sumar.

Athugasemdir

[Tómas Guðbjörn Þorgeirsson, 2.5.2007 kl. 10:46]

Einmitt það sem ég ætlaði að gera....þe að fara í rómantíska hjólreiðatúra með Grétari ;o)

 Nei, ætla að spara bílinn og hjóla til vinnu í allt sumar...Kemst í form, hlífi andrúmsloftinu ofl ofl

[Kári Harðarson, 2.5.2007 kl. 10:54]

Ekki fá ykkur of rómantísk reiðhjól, þau komast svo lítið áfram.

Drauma hjólið fyrir innanbæjar hjólreiðar í Reykjavík er ekki fjallahjól og ekki gamalt kvenhjól heldur nýtt "City Bike" með gírum og frekar grönnum dekkjum.  Leitið ráða hjá fagmönnum í Erni eða Marki.

Annars er ódýrast að kaupa útí Köben og kippa með heim í flugi fyrir tvöþúsundkall.  (Hjólið er ekki dregið frá 20 kg farangursþyngd).

Kveðja, Kári

[gretar (IP-tala skráð) 2.5.2007 kl. 12:39]

Tómas, það er bara Kata sem ég fer í rómantíska hjólreiðatúra með, þannig að það er ekki í boði fyrir þig en þú mátt kannski koma með í hjólatúr - hann verður bara ekki rómantískur...

Takk fyrir pointið Kári, það er alltaf spurning hvað sé best að gera þegar maður býr í fjallahéruðum Reykjavíkurborgar.

[Tómas Guðbjörn Þorgeirsson, 2.5.2007 kl. 13:19]

Kannski maður taki þig á orðinu og fái sér eitt stk "órómantískan hjólreiðatúr" með ykkur...en það er eitt sem ég var að spá, þyrfti ég ekki að taka konuna með mér til að hafa kynja hlutföllin rétt híhí, gengur ekki að það séu tveir kallar og bara ein kella ha