Gleðilega páska

Gleðilega páska! Vona að þið borðið ekki yfir ykkur af páskaeggjum... Ég veit nú ekki alveg hvað ég á eftir að blogga mikið um páskana en hér er uppskrift að því sem ég borðaði í gær! Rosagott

 
*************************
Kjúklingur hershöfðingjans Tso

Okkar útgáfa... kannski ekki eins hershöfðingjaleg en svo sannarlega minna maus og aðeins hollari, allavega ekki djúpsteikt!

4-6 kjúklingabringur - skornar í litla bita og marineraðar í teriyaki- eða soja sósu í hálftíma

Sósa
1 bolli sykur
1/2 bolli sojasósa
1 tsk sesamolía
1/2 bolli hvítvín
1/2 bolli appelsínusafi (má vera aðeins meira)
1/2 bolli maízenamjöl
3 hvítlauksrif
2 msk rifinn engifer (ferskur)
1 rauður chilipipar
***
2 bollar vorlaukur

Öllu blandað saman nema vorlauknum. Kjúklingurinn settur í eldfast mót. Sósunni hellt yfir og bakað í ofni við 200°C í 35-40 mínútur. Vorlaukurinn settur út í þegar 10-15 mínútur eru eftir af tímanum.

Gott að bera fram með mangósalsa og hrísgrjónum. 

*** 

Mangósalsa

Mangó
Ferskjur
Rauðlaukur
Döðlur
Safi úr einni sítrónu

Magnó, ferskjur, rauðlakur og döðlur saxað smátt og blandað saman. Sítrónusafa hellt yfir. Má salta og pipra smá ef vill. 

Athugasemdir

[Jenný Anna Baldursdóttir, 6.4.2007 kl. 15:50]

Namminamm KA, mínus sykur en kona er sykursjúk.  Skelli hunangi í staðinn.  Æðislega girnilegt.  Takk og gleðilega páska.

[Guðrún Magnea Helgadóttir, 6.4.2007 kl. 15:56]

Ætlarðu að láta einhvern borða allan þennan sykur?

[Katrín Anna Guðmundsdóttir, 6.4.2007 kl. 17:04]

Æ... það eru páskar og þetta er mikil sósa og ég nota hrásykur og og og... ! Nei, nú er ég hætt að afsaka mig en lýsi því yfir að ég mun hvorki pína fólk til að elda réttinn eða borða hann!

[Katrín Anna Guðmundsdóttir, 7.4.2007 kl. 13:24]

No comment