Eru karlar körlum verstir?!

Er þetta ekki skýrt dæmi um það að karlar eru körlum verstir...???  

Bara má til með að kynna þetta orðatiltæki til sögunnar svo hægt sé að flagga því í hvert skipti sem tveir eða fleiri karlmenn deila...  Tek skýrt fram að mér finnst þetta tiltekna orðatiltæki fádæma vitlaust - nær næstum með tærnar þar sem kvenkyns útgáfan er með hælana! 

ps. Tek fram að ég geri þetta auðvitað af eintómri illkvittni...

Segja Pálma eiga persónulegan þátt í rekstrarerfiðleikum IE

Athugasemdir

[sigfús (IP-tala skráð) 2.4.2007 kl. 19:57]

Elskið alla menn kvað mannsins sonur

en mönnum þótti krafan nokkuð stór.

- Þá sagði fjandinn: Elskið allar konur.

Og allir hlýddu. - Síðan fór sem fór.

                                                       Einar Sveinn

[Pétur Þór Jónsson, 2.4.2007 kl. 20:27]

52. passíusálmur...

Eftir að þetta allt var skeð

einn pilsner Kristur taka réð,

í sig sturtaði ört með sann,

er það Tuborg spurði hann.

Gleðilega Páska með bros á vör.

[Guðríður Hrefna Haraldsdóttir, 2.4.2007 kl. 20:51]

Fyrirsögnin þín er fyndin því að þetta heyrist aldrei. Þetta er álíka klikkað og Konur eru konum verstar, setning sem ég þoli ekki! Oft er reynt að kljúfa hópa með því skapa að ósamstöðu ... og þessar setningar eru mjög vel til þess fallnar.

[Katrín Anna Guðmundsdóttir, 2.4.2007 kl. 22:11]

Akkúrat... Þess vegna er ég líka með þessa fínu skoðanakönnun til hægri... 

[Björn Heiðdal, 2.4.2007 kl. 23:10]

Hver fann upp á þessum orðatiltækjum, hlýtur bara að hafa verið karl eða kona.

[Katrín Anna Guðmundsdóttir, 2.4.2007 kl. 23:25]

Já og einhver sem er löngu dauð(ur) þar að auki! 

[Heimir (IP-tala skráð) 2.4.2007 kl. 23:59]

Af hverju er skoðanakönnunin þín bundin við að karlar megi segja um konur og öfugt? Þú verður að sætta þig við það að flestir þeir einstaklingar sem nota orðatiltækið "konur eru konum verstar" eru einmitt kynsystur þínar. Ég hef sjaldnast heyrt þetta koma úr munni karlmanns, okkur er yfirleitt alveg sama hvað þið eruð að bauka ykkar í milli.

[Katrín Anna Guðmundsdóttir, 3.4.2007 kl. 00:07]

Tilefnið var að þessi orð voru látin falla af kynbróður þínum hér í kommenti... Spurning hvort þú hafir eitthvað til að bakka upp þessa tilfinningu um að það séu aðallega konur sem noti þetta??? Eða er þetta bara þín tilfinning? Það voru þrusu umræður um þetta hér nokkrum færslum fyrir neðan. 

[Örninn (IP-tala skráð) 3.4.2007 kl. 09:16]

Jæja Kata mín, ertu byrjuð á þessu aftur.  Þetta hefur greinilega ólgað í þér síðan hérna um daginn þegar ég varpaði fram spurningunni; "eru bara ekki konur konum verstar?" og þú og þínar bloggvinkonur umpóluðust út af þessu.

Það væri hinsvegar ágætt ef þú gætir komið með dæmi um þetta sem þú hefur sem yfirskrift fyrir þessa færslu. 

Það eru vissulega til dæmi um þetta hvað varðar bæði kynin þó svo að þú og kvenfrelsisvinkonar þínar viðurkenni ekki að þetta eigi við konur.  Þær konur sem bregðast öðrum konum eru nefndar tíkur eða tæfur, en þær karlar sem bregðast öðrum körlum eru hinsvegar nefndir mörgum og ýmsum ónefnum sem ég ætla ekki að hafa eftir sökum siðsemi hér á Páskaföstunni.  Ég get hinsvegar nefn nokkra slíka karlmenn með nafni og þeir eru vel þekktir, t.d. Adolf nokkur sem bjó í Þýskalandi hér á árum áður, Stalin sem var leiðtogi ríkis sem eitt var til og margir litu á sem fyrirmynd, og nú Donald nokkur Trump er víst ekki blíður við meðbræður sína, (né heldur þær konur sem honum líkar ekki við), og fleiri dæmi er hægt að nefna af þessum brunni......

[Þóra Guðmundsdóttir, 3.4.2007 kl. 11:15]

Fólk er fólki verst. Ef ekki væru til illkvittnar manneskjur þá hefðu allir það bara nokkuð gott.

[Þóra Guðmundsdóttir, 3.4.2007 kl. 11:49]

Ha? sumir karlar eru greinilega karla vitlausastir

[Gunnar Jónsson (IP-tala skráð) 3.4.2007 kl. 13:31]

Hvað með: Konur eru körlum verstar? Af hverju kemst það ekki í skoðannakönnun? Persónulega finnst mér fólk mega segja það sem það vill.

[Katrín Anna Guðmundsdóttir, 3.4.2007 kl. 13:44]

Örninn - ég var með dæmi - linkinn á moggafréttina...

Minni svo á reglur um málefnalega umræðu... innleggjum frá fólki sem ekki er viðræðuhæft er oft á tíðum eytt út...

Takk annars fyrir vísurnar

[erlahlyns.blogspot.com, 3.4.2007 kl. 14:30]

Þetta er greinileg sönnun þess að karlar eru körlum verstir

[Laufey Ólafsdóttir, 3.4.2007 kl. 16:06]

Ég held persónulega að margir karlar séu sjálfum sér verstir... oftast án þess að vita af því (ég vísa til margra athugasemda sem við fáum þegar við vogum okkur að tala um feminisma).

[Örninn (IP-tala skráð) 4.4.2007 kl. 09:46]

Jamm, Trína mín, svona er þetta bara.  Ég hef aldrei borið á móti því að karla geta verið körlum verstir, ég get tekið undir það og svona er business, "það er enginn bróðir í annars leik".  Ólíkt þér og vinkonum þínum í femínista halelúja-grátkórnum viðurkenni ég þetta með kynbræður mína (að þeir geti verið hvorir öðrum verstir) - á meðan þið neitið því að konur geta verið konum verstar.

Þetta dæmi sem þú nefnir er úr viðskiptalífinu sem er harður heimur og oft á tíðum er ófyrirleitni meðalið til að ná árangri.  Viðskiptalífið er engin góðgerðarsamkoma, þvert á móti er barist á banaspjótum þar.  Þetta eigið þið femínistar eftir að kynnast þegar þið komist í ból bjarnar eins og þið viljið svo innilega.  Þá munið þið kynnast allt öðrum verulega en systrarkærleika og vinkonunetverkum.  Þá munið þið fara að plokka augun hver úr annari til að halda völdum og ná árangri.  Og þið munið líka kynnast því að kallt er á toppnum.

[Laufey Ólafsdóttir, 4.4.2007 kl. 11:39]

...og máli mínu til staðfestingar kom Örninn