Jákvæða fréttin

Í Viðskiptablaðinu á miðvikudaginn var frétt um að fyrsti samkynhneigði karlmaðurinn sem kom út úr skápnum í NBA deildinni hefði fengið auglýsingasamning. Fyrrum leikmaðurinn, Jonh Amaechi, (hann lagði skóna á hilluna 2004) verður andlit HeadBlader rakvéla - sem eru vinsælar til höfuðraksturs. 

Það verður að teljast nokkuð stórt framfaraskref að hommi fái auglýsingasamning (en sorglegt á sama tíma að spá í hvað við erum komin skammt á veg..). Athyglisvert einnig að í fréttinni er sagt að eitt af því sem fæli íþróttamenn frá því að koma út úr skápnum sé hræðslan við að fá enga auglýsingasamninga - að þeir séu fráteknir fyrir hina gagnkynhneigðu íþróttamenn. Þetta er nú vonandi allt að breytast

Athugasemdir

[Ingólfur Þór Guðmundsson, 16.3.2007 kl. 16:45]

Ég held að við þurfum að fara fram á 50% hlutfall samkynhneigðra í auglýsingum...

Og fyrst að við erum byrjuð á því, verðum við ekki að henda inn 50% hlutfalli samkynhneigðra á Alþingi og stjórnum fyrirtækja ?

Hvað verður þá um hörundsdökka ? Verðum við ekki að henda á þá 50% hlutfall á Alþingi, verðum við þá ekki að sama skapi að fá 50% hlutfall hvítra í NBA boltanum ?

Bara pæling um kvótana......

[Katrín Anna Guðmundsdóttir, 16.3.2007 kl. 20:27]

Döh Ingólfur - vertu bara neikvæður og ekkert að samgleðjast með öðrum...