Hugmynd

Væri til of mikils mælst að menn með ítrekuð brot gegn börnum sætu bara inni?

Bretar gera tilraunir með tilkynningar um barnaníðinga

Af hverju eru kynin bara tvö?

Hvar er umræðan stödd um fólk sem fæðist í líkama af röngu kyni? Germain Greer talaði aðeins um þetta á Bifrastarráðstefnunni í fyrra. Hún var alfarið á móti því að karlar sem létu breyta sér í konu fengju lagalega stöðu sem konur. Ein helsta ástæðan sem hún nefndi var að slík kona, sem einu sinni var maður, gæti þá keppt á Ólympíuleikum sem kona... en samt með líkamsbyggingu karlmanns, sem er vöðvastæltari en hjá konum. Germain Greer komst reyndar aldrei svo langt í umræðunni að leggja til aðrar lausnir og ég í sjálfu sér hef ekki stórar áhyggjur af því að kynskiptingar sækist eftir að keppa á Ólympíuleikum í stórum stíl... 

Hins vegar finnst mér vert að ræða hvort að fólk sem fæðist í röngu kyni eigi að þurfa að gangast undir sársaukafullar skurðaðgerir og massívar hormónameðferðir til að ná sátt á milli líkama og sálar. Er það eina leiðin eða væri kannski leið að fjölga kynjunum þannig að gert sé ráð fyrir margbreytilegu samfélagi en ekki bara körlum og konum sem voru svo heppin að fæðast í "réttum" líkömum? Hvað segja hinseginfræðingarnir í þessu?

Skipti um kynferði án kynskiptiaðgerðar

Kosningaumræðan byrjuð!

Horfði á fyrsta kosningaþáttinn á RUV áðan þar sem formenn allra stjórnmálaflokkanna mættu á svæðið. Jóhanna og Sigmar stýrðu umræðum og stóðu sig bara vel. Fínt að sjá bæði kyn þar... hugsa meira að segja að það sé kynjakvóti í gangi! 

Formennirnir voru öllu einsleitari hópur. Minntu mig á plakatið hjá Sóley. Þar voru reyndar öllu fleiri karlar - en bara ein kona, rétt eins og í formannahópnum. Eins og alltaf þegar um stjórnmál er að ræða þarf að skoða litinn á bindunum hjá körlunum. Þau eru aðalmálið! Jón Sigurðsson var með grænt bindi, eins og Framsókn. Frjálslyndir og Sjálfstæðisflokkurinn nota bláan lit og Geir og Guðjón báðir með blátt bindi. Ómar líka... enda er blátt litur trausts. Blái liturinn í merki Íslandshreyfingarinar stendur fyrir atvinnulífið, ef ég man rétt. Steingrímur skar sig úr í brúnu... traustur og róandi jarðlitur - en með grænt VG merki. Ingibjörg var í hvítu, og svei mér þá ef hún var bara ekki langglæsilegust!!! (Varð að setja þetta síðasta með til að vera í stíl við alla umræðu um stjórnmálakonur... ég er svo mikil hópsál!). 

Anyways. Ingibjörg er augljóslega eina konan sem kemur til greina sem forsætiráðherra. Hún yrði þá fyrsti kvenkyns forsætisráðherrann - sem mér finnst, by the way, alveg kominn tími á, enda er árið 2007 runnið upp! Ég var hins vegar hissa á að þetta bar ekki á góma í þættinum, frekar en jafnréttismálin yfirhöfuð. Mér finnst algjört must að jafnréttismálin séu kosningamál...

Umræðan hófst á niðurstöðu skoðanakönnunar á hversu mikilla vinsælda flokksformennirnir njóta og þar er Ingibjörg í efsta sæti yfir óvinsæla formenn. Jæja kemur það á óvart? Nei, reyndar ekki. Ingibjörg á að baki farsælan og glæsilegan feril sem borgarstjóri og hefur sýnt og sannað að hún býr yfir miklum leiðtogahæfileikum. Eftir að hún færði sig yfir í landsmálin og varð formaður Samfylkingarinnar hefur umræðan gegn henni heldur betur snúist. Skyldi það vera vegna þess að hún er farin að verða körlunum veruleg ógn? Ég held það, svei mér þá bara. 

ps. lýsi því yfir - enn og aftur - að ég er þverpólitísk og áskil mér rétt til að hrósa og gagnrýna alla flokka... hlakka til fjörugra umræðna fyrir kosningar

Femínískir málshættir

Þegar ég verð orðin ógeðslega rík og komin með páskaeggjaframleiðslu (úr fairtrade súkkulaði) sem tómstundargaman er aldrei að vita nema svona málshættir verði aðaluppistaðan:

Sömu laun fyrir sömu störf

Manneskja ekki markaðsvara

Make love, not porn

Er það kannski kvenmannsverk að verja heiður karlmanna?

Nei þýðir nei

Karlmenn segja nei við nauðgunum

Sannir karlmenn eru femínistar

Kjósum konur

Kyn skiptir máli

Ég hugsa, þess vegna er ég femínisti

Jafnrétti er mannréttindi

Jafnrétti núna!

Það er töff að hafa skoðun. Stelpur hafa skoðun.

Það er ekkert lýðræði án jafnréttis

Á haugana með grútmyglaða afganga feðraveldisins

Það er flott að vera femínisti 

628 ár er of langur tími að bíða eftir launajafnétti

 

ps. höfundar úr ýmsum áttum 

Gleðilega páska

Gleðilega páska! Vona að þið borðið ekki yfir ykkur af páskaeggjum... Ég veit nú ekki alveg hvað ég á eftir að blogga mikið um páskana en hér er uppskrift að því sem ég borðaði í gær! Rosagott

 
*************************
Kjúklingur hershöfðingjans Tso

Okkar útgáfa... kannski ekki eins hershöfðingjaleg en svo sannarlega minna maus og aðeins hollari, allavega ekki djúpsteikt!

4-6 kjúklingabringur - skornar í litla bita og marineraðar í teriyaki- eða soja sósu í hálftíma

Sósa
1 bolli sykur
1/2 bolli sojasósa
1 tsk sesamolía
1/2 bolli hvítvín
1/2 bolli appelsínusafi (má vera aðeins meira)
1/2 bolli maízenamjöl
3 hvítlauksrif
2 msk rifinn engifer (ferskur)
1 rauður chilipipar
***
2 bollar vorlaukur

Öllu blandað saman nema vorlauknum. Kjúklingurinn settur í eldfast mót. Sósunni hellt yfir og bakað í ofni við 200°C í 35-40 mínútur. Vorlaukurinn settur út í þegar 10-15 mínútur eru eftir af tímanum.

Gott að bera fram með mangósalsa og hrísgrjónum. 

*** 

Mangósalsa

Mangó
Ferskjur
Rauðlaukur
Döðlur
Safi úr einni sítrónu

Magnó, ferskjur, rauðlakur og döðlur saxað smátt og blandað saman. Sítrónusafa hellt yfir. Má salta og pipra smá ef vill. 

Hetjur

Mér leist nú ekki alveg á blikuna þegar ég labbaði inn á Thorvaldsen rétt fyrir kl. 8 í gærkvöldi og sá að heil hljómsveit var í óða önn að planta sér fyrir framan dyrnar að Bertelstofu. "Er verið að undirbúa tónleika?" spurði ég. "Já þeir byrja kl. 9" var svarið. Hittið okkar var á milli 8 - 10. Sem betur fer reddaðist þetta með hljómleikina og þau byrjuðu ekki með nein alvöru læti fyrr en klukkan var 5 mínútur í 10. Þá vorum við búin að ná góðum fundi og allt í lagi að hætta. 

Rúna byrjaði fundinn með því að tala um hlutina í víðu samhengi. Tala um klámið, vændið, mansalið. Hvað er að gerast og hvernig þetta hangir allt saman. Hvaða viðbrögð hafa komið upp á yfirborðið og hvernig við getum beitt okkur í baráttunni. Meðal þess sem hún nefndi var að í nágrannalöndum okkar er aðaláherslan á erlendar konur sem neyddar eru í vændi og á meðan dettur baráttan niður fyrir innlendu konurnar. Rúna er alltaf með puttan á púlsinum og það er svo hvetjandi að hlusta á hana. Þegar hún var búin tók Eva til máls. Eva þekkir lífið á götunni af eigin raun. Hún var heimilislaus í yfir áratug, frá 13 ára aldri. Lífið á götunni er ekkert sældarlíf. Það einkennist af ofbeldi, þ.m.t. nauðgunum og vændi. Úrræðin eru afar fá og heimilislausar konur mæta öðru viðmóti í kerfinu heldur en "venjulegar" konur. Vændið sem konurnar eru í er ekki af fúsum og frjálsum vilja. Þær eru neyddar í vændi og eiga von á miklu og grófu ofbeldi ef þær ekki samþykkja það. Það er ekki að ástæðulausu að Eva berst fyrir konurnar sínar og vill hjálpa þeim út úr þessum aðstæðum. Þetta eru konur sem búið er að brjóta niður á alla verstu mögulegu máta. 

Ég er búin að mæta á flest öll Hitt Femínistafélagsins frá upphafi. Hef aðeins misst af örfáum. Í fyrsta skipti í gær langaði mig til að gráta. Mig langar til að búa í betra samfélagi og ég skil ekki af hverju ekki eru betri úrræði fyrir hendi. Hvað kemur í veg fyrir að Konukot sé opið allan sólarhringinn? Af hverju fá heimilislausu konurnar ekki að hafa meira um það að segja hvernig úrræði þurfa að vera til staðar fyrir þær?

Verkefnið framundan verður að reyna að samræma þetta allt saman. Við þurfum að berjast fyrir úrræðum á götunni sjálfri, bjóða okkur fram í sjálfboðavinnu til að reyna að bæta stöðuna, berjast á opinberum vettvangi, halda umræðunni lifandi... Af nógu er að taka, svo mikið er víst.

Mig langar að þakka hetjunum tveim, Rúnu og Evu, fyrir frábært Hitt í gær. Líka öllum sem mættu og fyrir umræðurnar á eftir. Ég fór heim með betri þekkingu á aðstæðum og stöðunni og veit að sama á við um fleiri. Takk enn og aftur fyrir að deila með okkur ykkar reynslu og þekkingu.

Síðasta Hitt vetrarins

Nú er síðasti sjens að mæta á Hitt hjá Femínistafélaginu á þessu starfsári. Síðasta Hittið verður í kvöld á Bertelstofu, Thorvaldsenbar kl. 20.

Nýlega voru gerðar breytingar á kynferðisbrotakafla hegningarlaga. Meðal breytinga var að sala á vændi til aðalfræmfærslu er ekki lengur refsiverð. Kvennahreyfingin hefur lengi barist fyrir því að við förum hinum svokölluðu sænsku leið hér á Íslandi, þ.e. að kaup á vændi verði gerð refsiverð. Könnun Capacent Gallup í lok marsmánaðar leiddi í ljós að yfir 80% kvenna og tæp 60% karla vilja gera kaup á vændi refsiverð, eða um 70% allra Íslendinga.

Í ljósi nýtilkominna breytinga - þar sem hvorki kaup né sala er refsiverð - viljum við tileinka síðasta Hitti vetrarins umræðu um hvaða leiðir eru færar til að sporna gegn vændi. Við fáum til okkar hana Evu, en hún var áður heimilislaus og getur frætt okkur um líf heimilislausra kvenna og hvað þarf að gera til að aðstoða þær. Rúna á Stígamótum segir okkur frá úrræðum út frá reynslu þeirra á Stígamótum. Þriðja gestinn eigum við enn eftir að fá staðfestingu á mætingu frá á en treystum bara á að hún mæti á svæðið...

Sjáumst vonandi öll á Hittinu. Hittið er okkar vettvangur til að ræða málefni líðandi stundar, aðgangur er ókeypis og opið er fyrir umræður!

Þetta er síðasta Hitt vetrarins og þar með starfsársins.

Hittumst á Hittinu!
Ráðið

 

 

Fékk þetta í t-pósti. Enjoy!

Girlfriends and Sisters Week
I am only as strong as the coffee I drink, the hairspray I use and the friends I have.
To the cool women that have touched my life. Here's to you!
National Girlfriends Day
What would most of us do without our sisters, confidants and shopping, lunching, and traveling girls?
Let's celebrate each other for each other's sake!
It is good to be a woman:


1. We got off the Titanic first.


2. We can scare male bosses with the mysterious gynecological disorder excuses.


3 Taxis stop for us.


4. We don't look like a frog in a b lender when dancing.

5. No fashion faux pas we make, could ever rival the Speedo.


6. We don't have to pass gas to amuse ourselves.


7. If we forget to shave, no one has to know.


8. We can congratulate our teammate without ever touching her rear end.


9. We never have to reach down every so often to make sure our privates are still there.


10. We have the ability to dress ourselves.


11. We can talk to the opposite sex without having to picture them naked.


12. If we marry someone 20 years younger, we are aware that we will look like an idiot.


13. We will never regret piercing our ears.


14. There are times when chocolate really can solve all your problems.


15. We can make comments about how silly men are in their presence because they aren't listening anyway.

Eru karlar körlum verstir?!

Er þetta ekki skýrt dæmi um það að karlar eru körlum verstir...???  

Bara má til með að kynna þetta orðatiltæki til sögunnar svo hægt sé að flagga því í hvert skipti sem tveir eða fleiri karlmenn deila...  Tek skýrt fram að mér finnst þetta tiltekna orðatiltæki fádæma vitlaust - nær næstum með tærnar þar sem kvenkyns útgáfan er með hælana! 

ps. Tek fram að ég geri þetta auðvitað af eintómri illkvittni...

Segja Pálma eiga persónulegan þátt í rekstrarerfiðleikum IE

Bestu aprílgöbbin

Þetta aprílgabb fær vinningin hjá mér... Wired Magazine að biðjast afsökunar á karlrembulegri forsíðu... 

RUV með sitt aprílgabb um að selja sál sína í tilefni ohf fæðingar er í öðru sæti enn sem komið er!