Stundum er hæfasti maðurinn í jobbið...

Hlustaði á einhvern í útvarpinu í morgun fjalla um síðasta landsleik karlaliðsins í fótbolta. Hann var nú ekki par sáttur við frammistöðu liðsins og vildi að ráðinn yrði erlendur þjálfari fyrir liðið. Einhver sem hefði náð alvöru árangri með lið! 

Ég sting nú upp á að Íslendingar gerist enn róttækari en það og ráði konu í jobbið! (Jamm árið 2007 þykir enn róttækt að ráða konur í sum störf ) Nánar tiltekið sting ég upp á Helenu Ólafsdóttur. Hún náði þrusugóðum árangri með kvennaliðið. Stundum er það nú bara þannig að hæfasti maðurinn í jobbið er kona.  

Athugasemdir

[Gísli Ásgeirsson, 18.10.2007 kl. 11:16]

Hér er við hæfi að rifja upp orð HBG íþróttafréttamanns um þetta mál:

"Að mínu mati liggur vandinn þó enn dýpra. Aðalvandinn liggur í stefnu KSÍ. Síðustu árin hefur KSÍ farið þá leið að ráða sitt eigið fólk í ein mikilvægustu störf knattspyrnuhreyfingarinnar - landsliðsþjálfarastörfin. Er þar um að ræða einstaklinga sem KSÍ þekkir ákaflega vel og veit hvernig láta að stjórn. Þetta eru þægir þjónar.

Meira að segja Helena Ólafsdóttir fékk ekki áframhaldandi samning með kvennalandsliðið þrátt fyrir flottan árangur. Hún var ekki þægur þjónn. Arftaki hennar hafði áður starfað fyrir KSÍ og arftaki þess þjálfara var þegar starfandi hjá KSÍ líkt og Eyjólfur."

[Jón Gunnar Ásbjörnsson (IP-tala skráð) 18.10.2007 kl. 12:57]

Þjálfarinn má vera útlendingur, kona eða hvað sem er svo lengi sem við töpum ekki gegn Lettum og Leichtenstein með samtals 5 mörkum.

[manuel (IP-tala skráð) 18.10.2007 kl. 20:39]

Miðað við hvernig það hefur gengið að hafa kvendómara í karlaleikjum held ég að kona gæti ekki stjórnað karlaliði, því miður. Karlremban blómstrar inni á vellinum.

[viktor unnar illugason (IP-tala skráð) 22.10.2007 kl. 16:18]

haha það yrði skandall

[Högni Jóhann Sigurjónsson, 22.10.2007 kl. 20:38]

Guðmundur! Var Katrín Anna ekki að stinga upp á Helenu bara svona fyrir sitt leyti?

Ég fyrir mitt leyti væri alveg til í að eitthvað slíkt yrði prófað, en ætli Gísli sé ekki með svarið.

Enn svo má spyrja þarf einhverja breytingu er það eðlileg krafa að ætlast til að liðið vinni alla leiki, jú jú 3 0 fyrir, þarna hvað það hét nú aftur var kannski óþarfi.

Ég vil taka Eið út úr liðinu, ekki að ég hafi ekki álit á honum hann er yfirburða maður í liðinu, en mér finnst stundum eins og leikir þróist þannig að honum er ætlað að klára þá og held því að fleiri leikmenn mundu blómstra ef goðið væri ekki inná líka.

[gísli (IP-tala skráð) 23.10.2007 kl. 22:49]

já tökum Eið úr liðinu okkar besta leikmann frábær lausn!

[Þórður Sveinlaugur Þórðarson (IP-tala skráð) 26.10.2007 kl. 16:48]

Ertu að stinga upp á þessu útaf þú vilt að konur hafi öll réttindi frammyfir karlmenn hvað varðar merkileg störf? Þvímiður hefur Helena Ólafsdóttir eingöngu þjálfað og leikið í kvennadeildum og er sérþekking hennar og reynsla þar, íslenska karlalandsliðið er að spila gegn mjög erfiðum liðum og viljum við að sjálfsögðu ná hámarksárangri með liðið og til þess þurfum við þjálfara sem virkilega hefur góða reynsla af því að stýra liði á því leveli sem þessi keppni fer framm og því miður er Helena Ólafsdóttir ekki með þá reynslu. Hefur nákvæmlega ekkert um kyn hennar að gera heldur hefur hún eingöngu þjálfað í kvennaboltanum og er hann allt öðruvísi en sú keppni sem karlalandslið okkar er að keppa í. Hinsvegar sæji ég ekkert athugavert við að kona stýri okkar liði svo lengi sem hún hefði reynslu af því að stýra liði í keppni á þessu leveli og fengist sú reynsla væntanlega við það að hún vinni sig upp, verði sigursæl með lið í kvennaboltanum, tekur við liði í neðrideildum karla og gerir gott þar, vinnur sig upp og fer loks að þjálfa eitt af toppliðunum og gerir það gott, þannig kona væri eini möguleikinn til að ég vilji sjá hana sem þjálfara karlalandsliðsins. Þvímiður er þetta mikið sterkari keppni hjá okkur körlunum en ef einhver kona er virkilega frammúrskarandi þá finnst mér ekkert að því að hún fái sénsinn en hún er þvímiður hvergi allavegana hér á landi.

 kv. Þórður

[Katrín Anna Guðmundsdóttir, 26.10.2007 kl. 17:01]

Þórður væri kannski ágætt að velta fyrir sér af hverju konur hér á landi hafa ekki reynslu af því að þjálfa karlalið. Ætli það geti verið út af þeirri stefnu sumra að karlar hafi öll réttindi fram yfir konur hvað varðar starf knattspyrnuþjálfara karlaliða? 

Helena hefur sýnt og sannað að hún er frábær þjálfari - en eflaust á hún ekki sjens í starfið (eða starf þjálfara karlaliðs yfirhöfuð) sökum kynferðis. 

[Þórður Sveinlaugur Þórðarson (IP-tala skráð) 26.10.2007 kl. 17:31]

En nákvæmlega allir þeir karlmenn sem hafa starfað sem slíkir hafa unnið sig upp til að eiga það skilið. Þeir hafa annaðhvort verið leikmenn sjálfir eða hafa unnið góð störf í aðstoðarteymi aðalþjálfara og fengið sénsa þar eftir hjá minni klúbbum, gert gott þar og fengið betri tækifæri. Það er engin stefna að karlmenn hafi sín réttindi fram fyrir konur, allavegana ekki hjá knattspyrnuliðunum, þessir menn hafa reynslu í karlaboltanum sem er erfiðari keppni en það sem konurnar fást í, svo hafa þeir þjálfað lið sem eru að spila í efstu deildunum, allir sem vilja ná langt í þessu þurfa að byrja á botninum, það er mikil vinna að fá virðingu og traust frá öðrum. Ég sé ekkert af því ef kona fer að reyna hið sama, ef hún gerir það gott sem þjálfari í efstu deild kvenna væri það kjörið mál að reyna að koma sér á framfæri í karlaknattspyrnu, þó það kosti það að þurfa að byrja í neðri deildunum. Það er ekkert hægt að breyta því að okkar fótbolti er á hægra leveli.

[Katrín Anna Guðmundsdóttir, 26.10.2007 kl. 18:57]

Sýnist þú þarna vera að lýsa því að konur þurfi að keppa í karlaboltanum til að fá tækifæri. Þær eru nokkrar sem hafa sýnt sig og sannað sem afbragðs knattspyrnuþjálfara - en munu sennilega aldrei fá að spreyta sig á að þjálfa karlalið - hvað þá karlalandsliðið. Íslenska kvennalandsliðið er á mun hærra leveli heldur en karlalandsliðið - eins og staðan m.v. rest of the world sýnir.