Gleðilegt nýtt ár

Þjóðin var ekki á borgarafundinum um daginn. Þjóðin var ekki að mótmæla fyrir utan Hótel Borg í dag. Þjóðin mótmælir ekki. Punktur. Hver er þá þjóðin? Þessi spurning hefur leitað á mig en auðvitað lá svarið í augum uppi allan tímann. Þjóðin eru peningamenn og stjórnmálamenn. Við hin erum bara skríllinn ;) Þetta útskýrir auðvitað margt. 

Gleðilegt nýtt ár. Óska öllum farsældar á komandi ári. Takk fyrir allt gamalt og gott.  

Athugasemdir

[Björgvin R. Leifsson, 31.12.2008 kl. 21:07]

Munum að Solla stirða og Geir hinn ókúgaði eru hin táknræna þjóð.

[Þorsteinn Sverrisson, 1.1.2009 kl. 14:40]

Þjóðin er t.d. það fólk sem kaus xD og xS í síðustu kosningum? Stór meirihluti amk.  Vonandi fer ekki einhver skipulagslaus skríll að hafa áhrif á stjórn landsins.  Hver vill það?  Um að gera að láta skoðanir í ljós en lýðræðið er samt þrátt fyrir galla verðmætara en einhverjir tapaðir peningar í bankahruni.

[Viðar Eggertsson, 1.1.2009 kl. 17:21]

Þetta var kjarnyrtur og vel orðaður pistill.

Berjumst gegn óréttlæti ef við erum beitt óréttlæti. Látum ekki ráðamenn ákveða upp á sitt eindæmi hvernig og hverju við megum mótmæla. Handrit þeirra og leikstjórn með líf fólks hefur sýnt sig að er röð hraplegra mistaka, sem hafa verið alltof dýru verði keypt - af okkur.

Komum þeim burt úr leikstjórnarstólnum. Við "skríllum" eigum sviðið.Byrjum árið með nýtt handrit sem við skrifum sjálf.

Gleðilegt ár mín kæra.

[Viðar Eggertsson, 1.1.2009 kl. 17:22]

áttui auðvitað að vera "skríllinn" - biðst velvirðingar á ritvillu.

[Jenný Anna Baldursdóttir, 2.1.2009 kl. 16:20]

Við erum óþjóðalýður.  Það er nokkuð ljóst Kata mín.

Og gleðilegt ár.