Af hverju ekki sérfræðiþekking?

Nú er búið að auglýsa laust til umsóknar starf framkvæmdastjóra Jafnréttisstofu. Auglýsinguna má lesa hér.  Það sem vekur athygli mína er að á sama tíma og í gangi eru auknar kröfur um að þeir sem starfi að jafnréttismálum hafi aflað sér þekkingar á málaflokknum, þá er engin krafa um sérfræðiþekkingu í auglýsingunni. Vona nú samt að þetta þýði ekki að það verði bara einhver ráðinn - með sérþekkingu á bönunum eða eitthvað álíka. Ætla sem sagt að vera bjartsýn þangað til annað kemur í ljós... en finnst það ekki eins faglegt og það ætti að vera að gera ekki kröfu um þekkingu á jafnréttismálum. Er næstum eins og að auglýsa eftir lögfræðingi án lögfræðimenntunar  

Athugasemdir

[Maja Solla (IP-tala skráð) 25.6.2007 kl. 23:08]

Ætli það segi sig ekki soldið sjálft, að ætlast sé til að fólk hafi einhverja reynslu í svona málum.
Er annars til eitthvað sem heitir "jafnréttissérfræðingur"?

[Katrín Anna Guðmundsdóttir, 25.6.2007 kl. 23:18]

Það er til kynjafræðingur! Svo er ekkert sem segir sig sjálft í svona auglýsingum. T.d. er farið fram á færni í mannlegum samskiptum - sem að mínu mati ætti frekar að segja sig sjálft... En það ætti að gera kröfu um reynslu af jafnréttismálum, kynjafræðimenntun eða einhverju sambærilegu. 

[Gústaf Níelsson, 26.6.2007 kl. 00:46]

Væri ekki ráð að leggja þessa ágætu skrifstofu niður, enda er gagnsemi hennar verulegum vafa undirorpin.

[Sigurður Viktor Úlfarsson, 26.6.2007 kl. 03:08]

Á jafnréttisstofa einungis að taka á jafnrétti kynjanna?  Hvað er eiginlega kynjafræðingur?  Spyr sá sem ekki veit?  Hvað inniheldur kynjafræði?

[Margrét Össurardóttir (IP-tala skráð) 26.6.2007 kl. 08:32]

hmmm,,, Katrín Anna, ég sé þig alveg tilvalda í þetta djobb. Sækir þú ekki bara um þetta? Þú hefur allavega reynslu og "smá" þekkingu á þessum málaflokki.

[Kári Hólmar Ragnarsson, 26.6.2007 kl. 08:44]

"Hlutverk Jafnréttisstofu er að stuðla að því að markmið laga um jafna stöðu og jafnan rétt kvenna og karla náist ásamt því að hafa eftirlit með framkvæmd laganna." - 2. gr. reglugerðar um Jafnréttisstofu. Þannig að já,Jafnréttisstofa á einungis að taka á jafnrétti kynjanna. Orðið "laganna" vísar til laga um jafna stöðu og jafnan rétt kvenna og karla nr. 96/2000.

"Í námskeiðinu er beitt þverfræðilegu femínísku sjónarhorni til að gefa yfirlit yfir stöðu kvenna og karla í mismunandi samfélögum og menningum, með áherslu á þann fjölbreytileika sem þar er að finna. Fjallað verður um upphaf og þróun kvennabaráttu og kynjafræða og þær ólíku nálganir sem femínistar beita í fræðistörfum sínum. "

Þetta er úr námskeiðslýsingu á inngangskúrsi í Kynjafræði, sem er aukagrein til 30 eininga við HÍ (stendur þó til að breyta henni í aðalgrein til BA). Þessi námskeiðslýsing segir svosem ekki allt um námið eða inntak þess en gæti verið þér, Sigurður, vísbending um hvað þetta snýst. Annars er hægt að skoða námið betur í kennsluskrá HÍ.

[Andrea J. Ólafsdóttir, 26.6.2007 kl. 11:16]

Kata, sæktu um starfið!

Þú yrðir fyrirmyndar forstöðukona í þessu batteríi :) 

[Katrín Anna Guðmundsdóttir, 26.6.2007 kl. 11:24]

Myndi örugglega sækja um nema að ég hef plön um að koma fyrirtækinu mínu loksins almennilega á koppinn næsta vetur... En takk fyrir traustið Magga og Andrea

[Þóra Kristín Þórsdóttir, 27.6.2007 kl. 10:08]

Hæ hæ...

Ég gerði hreinlega ráð fyrir að þú myndir sækja um - og fá- þetta djobb. Hver önnur/annar ætti það að vera? Er annars að velta fyrir mér þessu starfi, er þetta eitt þeirra sem nú þegar búið að ráða í?